کاوەی مەلاحسێن 27/02/2025 211 جار خوێنراوەتەوە لەپەیامەکەی ئۆجالاندا تەنها چەکدانان نییە! بڵاوبوونەوەی پەیامەکەی عبدوڵا ئۆجالان ڕێبەری پارتی کرێکارانی کوردستان، زۆرێک لە نوسەران و ڕاڤەکاران تەنها چاویان لەسەر دوو دەستەواژەبوو، ئەویش چەکدانانی پەکەکەو هەڵوەشاندنەوەی پارتەکەی. لەهەمانکاتدا زۆرێک لەنوسەران و چاودێرانی سیاسی دیکەش پێیانوایە، ئاپۆ دواجار بڕیاری خواردنەوەی جامی ژەهرەکەی داوەو کۆتایی بەوخەبات و بەرخودان هێناوە، هاوکات بۆجوونێکی دیکەش هەیە پێیانوایە، پەیامەکە هەنگاوێکی ئەرێنی و باشە بەئاراستەی ئاشتی و پێکەوەژیانی کوردو تورک کە هەزاران ساڵە پێکەوە دەژین. بەڵام ئەوەی دەمەوێت لێرەدا من تیشکبخەمەسەری کە ئۆجالان لەپەیامەکەیدا ئاماژەی پێکردووە، داوای ڕەخساندنی ڕێکاری یاسایی و سیاسی دەکات لەگەڵ هەڵوەشاندنەوەی پەکەکەو چەکدانانی، لێرەشەوە تۆپەکەی خستۆتە نێو گۆڕەپانی ئەکپارتی و ئاردۆغانەوە ئەوەش ئەوەیە ئەوان تاچەند دەتوانن ئەو هەلەبقۆزنەوەو کاربکەن لەڕێگەی یاساوە دەرگایەکی ئاشتی و ئازادی خوازانە بەڕووی کورداندا بکاتەوەو قەندیل بتوانێت لەنێو پەرلەمانی تورکیادا مافەکانی خۆی پەیڕەوبکات. ئەردۆغان و هاوەڵانی تاچەند دەتوانن بەو کلیلە ئەو دەرگە داخراوە بکەنەوە کە لەهەشتاکانەوە داخراوەو تەنها ڕێکاری سەربازی بەچارەسەرزانراوە، بەڵام ئەوەی دەبینرێت ئەوەیە ئەکپارتی و ئەردۆغان ناتوانێت هیچ هەنگاوێک هاوشێوەی قورسایی پەیامەکەی ئاپۆ بنێت، وەک کردنەوەی دەرگەی لێخۆشبوون بۆ چەکداران و گەریلاکان تا بتوانن کەشێکی ئازادی و دیموکراتیخوازانە فەراهەم بکەن بۆ کوردانی خەباتکار. کاریگەری پەیامەکەو بەشەکانی دیکەی کوردستان و هەڵوێستی تورکیا ئایە لەگەڵ ڕاگەیاندنی پەیامەکەدا تورکیا چۆن هەڵسوکەوت دەکات لەگەڵ باشوردا ئەو پێشێلکاریە سەربازی و داگیرکارییەی کۆتایی پێدەهێنێت؟! ئایە گۆڕانکاری بەسەر سیاسەتیدا دێت لەسەر ڕۆژئاواو پشتگیری کردنی چەتەکان و هێرشەکانی بۆسەر ڕۆژئاوە، بەداخەوە لەوڕووەیشەوە هیچ هیوایەک نابینرێت، ئەزموونی لەمێژینەی ئاگربەستی تاکلایەنانەی قەندیل و هەنگاوەو تێڕوانی ئەردۆغان ئەوەیان پشتڕاستکردۆتەوە.

کاوەی مەلاحسێن 27/02/2025 211 جار خوێنراوەتەوە

لەپەیامەکەی ئۆجالاندا تەنها چەکدانان نییە!

بڵاوبوونەوەی پەیامەکەی عبدوڵا ئۆجالان ڕێبەری پارتی کرێکارانی کوردستان، زۆرێک لە نوسەران و ڕاڤەکاران تەنها چاویان لەسەر دوو دەستەواژەبوو، ئەویش چەکدانانی پەکەکەو هەڵوەشاندنەوەی پارتەکەی.

لەهەمانکاتدا زۆرێک لەنوسەران و چاودێرانی سیاسی دیکەش پێیانوایە، ئاپۆ دواجار بڕیاری خواردنەوەی جامی ژەهرەکەی داوەو کۆتایی بەوخەبات و بەرخودان هێناوە، هاوکات بۆجوونێکی دیکەش هەیە پێیانوایە، پەیامەکە هەنگاوێکی ئەرێنی و باشە بەئاراستەی ئاشتی و پێکەوەژیانی کوردو تورک کە هەزاران ساڵە پێکەوە دەژین.

بەڵام ئەوەی دەمەوێت لێرەدا من تیشکبخەمەسەری کە ئۆجالان لەپەیامەکەیدا ئاماژەی پێکردووە، داوای ڕەخساندنی ڕێکاری یاسایی و سیاسی دەکات لەگەڵ هەڵوەشاندنەوەی پەکەکەو چەکدانانی، لێرەشەوە تۆپەکەی خستۆتە نێو گۆڕەپانی ئەکپارتی و ئاردۆغانەوە ئەوەش ئەوەیە ئەوان تاچەند دەتوانن ئەو هەلەبقۆزنەوەو کاربکەن لەڕێگەی یاساوە دەرگایەکی ئاشتی و ئازادی خوازانە بەڕووی کورداندا بکاتەوەو قەندیل بتوانێت لەنێو پەرلەمانی تورکیادا مافەکانی خۆی پەیڕەوبکات.

ئەردۆغان و هاوەڵانی تاچەند دەتوانن بەو کلیلە ئەو دەرگە داخراوە بکەنەوە کە لەهەشتاکانەوە داخراوەو تەنها ڕێکاری سەربازی بەچارەسەرزانراوە، بەڵام ئەوەی دەبینرێت ئەوەیە ئەکپارتی و ئەردۆغان ناتوانێت هیچ هەنگاوێک هاوشێوەی قورسایی پەیامەکەی ئاپۆ بنێت، وەک کردنەوەی دەرگەی لێخۆشبوون بۆ چەکداران و گەریلاکان تا بتوانن کەشێکی ئازادی و دیموکراتیخوازانە فەراهەم بکەن بۆ کوردانی خەباتکار.

کاریگەری پەیامەکەو بەشەکانی دیکەی کوردستان و هەڵوێستی تورکیا
ئایە لەگەڵ ڕاگەیاندنی پەیامەکەدا تورکیا چۆن هەڵسوکەوت دەکات لەگەڵ باشوردا ئەو پێشێلکاریە سەربازی و داگیرکارییەی کۆتایی پێدەهێنێت؟! ئایە گۆڕانکاری بەسەر سیاسەتیدا دێت لەسەر ڕۆژئاواو پشتگیری کردنی چەتەکان و هێرشەکانی بۆسەر ڕۆژئاوە، بەداخەوە لەوڕووەیشەوە هیچ هیوایەک نابینرێت، ئەزموونی لەمێژینەی ئاگربەستی تاکلایەنانەی قەندیل و هەنگاوەو تێڕوانی ئەردۆغان ئەوەیان پشتڕاستکردۆتەوە.