پێنجوێن وەک پێشەنگ

بیست ساڵ زیاتردەبێت بەردەوام جەختم لەوەکردۆتەوە گەر نەفەسێکی ناڕەزایی و دڵخۆشکەر مابێت لەناوچە دورەدەستەکاندایە نەک قەرەباڵغی و سەنتەری شارەکان !

ئەوان بەحوکمی کەمی زەبری تەکنەلۆجیاو بازاڕی پوچگەرایی هێشتا هەست و غیرەتی مرۆیی لەنێویاندا زیندوترو بەهێزترە

چەندین ڕۆژە بانگەشەی وەستانی سەیارەو مانگرتنی گشتی دژی گرانبونی بەنزین دەکرێت بەڵام ئەگەر راستگۆبین بەپێچەوانەوە شەقامی شارەکان قەرەباڵغتربوون !

قەیران و نەهامەتیەکان لەژماردن نایەن لەبەرانبەردا جگە لەنوزەو فسکەی نێو سۆشیال میدیا هیچ پەرچەکردارو هەنگاوێکی ناڕەزاییمان نەبینی !

ئەوەی کەهەیە ئەمڕۆ پێنجوێن لەبری هەموو خەڵکی کوردستان هاتنەسەرخەت و وەڵامی کۆی نەهامەتیەکانیان دایەوە

ئەوەی لەپێنجوێن دەگوزەرێت تەنیا ناڕەزایی نیە دژی گرانی نرخی کارەبا بەڵکو ئەو ڕقە پەنگخواردووەیە کەماوەیەکی زۆرە بەرامبەر کۆی قەیرانەکانی دیکە کەڵەکەبووەو ئێستا تەعبیر لەخۆی دەکات !

گەر سەیری مێژوو بکەین بەشی زۆری سەرهەڵدان و ناڕەزاییەکان لەنوقتەیەکی بچوکی وڵاتەوە دەستی پێکردووەو دواتر بۆتە شۆڕشێکی سەراپاگیر

ئومێددەکەم ئەمجارە پێنجوێن ببێتە خاڵی دەستپێک و ببێتە ئیلهام بۆ سەرجەم خەڵکی نوستوی باشوری کوردستان