پشووی فەرمانبەر و ئەفسەر و کارمەندانی هێزەکانی ناوخۆ درێژ کرایەوە

ناوەندی هەواڵ

ژووری ئۆپه‌راسیۆنى سەرژمێری لە هەرێمی کوردستان بەمەبەستی تەواوکردنی پرۆسەی سەژمێری، پشووی فەرمانبەر و ئەفسەر و کارمەندانی هێزەکانی ناوخۆ تا 10ی کانوونی یەکەم درێژ دەکاتەوە.

ئەمڕۆ چوارشەممە 20-11-2024، بە مەبەستی تەواوکردنی پرۆسەی سەرژمێریی؛ پشووی فەرمانبەر و ئەفسەر و کارمەندانی هێزەکانی ناوخۆ تاوەکوو 10ی کانوونی یەکەم درێژ کردەوە.

بڕیاره‌كه‌ بۆ ئەو كه‌سانه‌یه‌ كه‌ گەڕاونەتەوە ناوچە کوردستانییەکانی دەرەوەی ئیدارەی هەرێم (ناوچەکانی ماددەی 140) بۆ ئەوەی فۆرمی دووەم لە دوای قەدەغەی هاتووچۆ پڕ بکرێتەوە.

ئەمڕۆ چوارشەممە، 20-11-2024، قۆناغێکی دیکەی سەرژمێریی لە عێراق و هەرێمی کوردستان دەستی پێ کرد و تیمەکان بە گەڕەک و کۆڵانەکاندا بڵاوەیان پێکرا و لەو زانیاری و داتایانە دڵنیا دەبنەوە کە لە قۆناغی یەکەمدا تۆمار کراون.