سۆران عومەر:هەرێم بەنیازە بە پارەی هەرسێ مانگەکە موچەی مانگی 10 و 11 دابەش بکات

ناوەندی هەواڵ

ئەندامێکی لیژنەی دارایی لە پەرلەمانی عێراق چارەنووسی مووچەی مانگەکانی 10 و 11 و 12 ئاشکرا دەکات و ڕایدەگەیەنێت، هەرێم داوای پارەی زیاتر لەبەغدا دەکات و ئەگەریش ئەو کورتهێنانە پرنەبێتەوە هەرێم دوو مووچە دابەشدەکات”.

سۆران عومەر ئەندامی لیژنەی دارایی لە پەرلەمانی عێراق  ڕایگەیاند، ئێوارەی ئەمڕۆ نوسراوەکە واژۆکرا، بڕیارە ڕۆژی یەک شەممەی داهاتوو 1_12_2024 بڕی ( 763 ملیارو 146 ملیۆن) دینار بخرێتە سەر حسابی حکومەتی هەرێم بۆ موچەی مانگی (10).

ڕاشیگەیاندووە، پيویستە هەرێم لەداهاتی ناوخۆو نەوت 233 ملیار دیناری بخاتە سەر چونکە لیستی موچەی بە 996 ملیار دینار داناوە.

بەوتەی سۆران عومەر، هەرێم داوای بڕێک پارەی دیکەی لەدارایی عێراق کردووە وەک پشکی هەرێم تاکو موچەی مانگەکانی 11 و 12 ی پێ دابەش بکات لەگەڵ ئەو دوو 763 ملیارەی دیکە، ئەگەر بەغدا ئەو پارە زیادەی داواکراوە نەینێرێ، هەرێم بەنیازە بە 3 پارەی 763 ملیاری موچەی مانگی 10 و 11 دابەش بکات!.

ئەو پەرلەمانتارە ئاشکراشیکردووە، لە 10 مانگی ساڵی ڕابردوو هەرێم تەنها 395 ملیار دینار داهاتی ناوخۆی بۆ بەغدا گەڕاندۆتەوە، جگە لەوەی نەوتی بەتەنکەرو لەناوخۆ فرۆشتووە.