شەڕڤانان دەیان بەكرێگیراوی توركیایان كوشت

ناوەندی هەواڵ

ناوەندی ڕاگەیاندنی ئەنجومەنی سەربازی مەنبج لە راگەیەنراوێكدا نوێترین هەواڵی شەڕی بەنداوی تشرین و مەنبجی بڵاوكردەوە و كوژرانی دەیان چەتەی ڕاگەیاند.
ئەنجومەنی سەربازی مەنبج ڕایگەیاند: لە میحوەری شارۆچكەی ئەبو قەلقال لە باشووری ڕۆژهەڵاتی مەنبج، هێزەكانی هەسەدە وەڵامی هێرشەكانی بەكرێگیراوانی داگیركەری توركیایان دایەوە كە بۆ سەر دەوروبەری شارۆچكەكە ئەنجامیان دابوو.
دەشڵێت: شەڕڤانان توانیان چەندین ئۆتۆمبێلی سەربازی بەكرێگیراوان بتەقێننەوە و ژمارەیەكی زۆر لە هێرشبەران كوژران، تا ئێستا پێكدادان لەو ناوچەیەدا بەردەوامە".
دەقی راگەیەنراوەكە:
 ناوەندی ڕاگەیاندنی ئەنجومەنی سەربازی مەنبج
ئەمڕۆ جارێكی تر هێزەكانی هەسەدە هێرشی بەكرێگیراوانی داگیركەری توركیایان بۆ سەر گوندەكانی باشووری بەنداوی تشرین پووچەڵكردەوە، بەهۆیەوە ژمارەیەك كوژراو و بریندار لەنێو ڕیزەكانیانی هێزە هێرشبەرەكان هەیەو ناچاربوون لە بەرەكان شەڕ هەڵبێن.
لە میحوەری شارۆچكەی ئەبو قەلقال لە باشووری ڕۆژهەڵاتی مەنبج، هێزەكانی هەسەدە وەڵامی هێرشەكانی بەكرێگیراوانی داگیركەری توركیایان دایەوە كە بۆ سەر دەوروبەری شارۆچكەكە ئەنجامیان دابوو، شەڕڤانان توانیان چەندین ئۆتۆمبێلی سەربازی بەكرێگیراویان تەقاندەوە و ژمارەیەكی زۆر لە هێرشبەران كوژران و، تا ئێستا پێكدادان لەو ناوچەیەدا بەردەوامە.
بۆ پشتیوانی لە هێرشەكانی بەكرێگیراوەكان، داگیركەری توركیا هێرشێكی توندی لە ڕێگای تۆپخانەی قورسەوە كردە سەر دەوروبەری بەنداوی تشرین و میحوەرەكانی شەڕكردن، هاوكات بەهۆی بۆردومانی فڕۆكەی بێفڕۆكەوانی توركیاوە زیانێكی زۆری بە بەنداوەكە گەیەشتووە.
ناوەندی ڕاگەیاندنی ئەنجومەنی سەربازی مەنبج
٢٤ی كانوونی دووەمی 2024