ئەڵمانیا بۆ تورکیا: ئاسایشی کورد زۆر گرنگە بۆ ئاسایشی داهاتووی سوریا

ناوەندی هەواڵ

ئانالینا بێربۆک، وەزیری دەرەوەی ئەڵمانیا بە هاکان فیدان، وەزیری دەرەوەی تورکیای وتووە، ئاسایشی کورد زۆر گرنگە بۆ ئاسایشی داهاتووی سوریا.

بێربۆک دوای دیداری لەگەڵ هاکان فیدان، وەزیری دەرەوەی تورکیا لە کۆنگرەیەکی ڕۆژنامەوانیدا ڕایگەیاند، ئاسایش لە سوریا بە تایبەتی بۆ کوردەکان زۆر پێویستە، لەپێناو داهاتوویەکی ئازاد و پارێزراو بۆ سوریا.

وەزیری دەرەوەی ئەڵمانیا هۆشداریشیدا لە مەترسییەکانی هەر جۆرە توندوتیژییەک کە لە دژی هێزە کوردییەکان لە سووریا ئەنجامبدرێت.

وەزیری دەرەوەی ئەڵمانیا وتیشی، هەزاران کورد لە منبج و شوێنەکانی دیکە ئاوارەبوون و ترسیان لە توندوتیژیی نوێ هەیە.

لە کۆبوونەوەکەی لەگەڵ هاکان فیدان  وەزیری دەرەوەی ئەڵمانیا، بەڕوونی باسیلەوە کرد، نابێت بەرژەوەندییە ئەمنییە هاوبەشەکانمان بکەوێتە مەترسییەوە بەهۆی ئاڵۆزیی لەگەڵ کورد لە سووریا.

پێشتریش ئانالینا بێربۆک هۆشداریدابوو لە توندوتیژیی لە باکووری سوریا، لە نێوان هێزە چەکدارە سورییەکانی نزیک لە تورکیا و هێزەکانی سووریای دیموکرات.