دوو ڕۆژنامەنووسی کورد لە ڕۆژئاوای کوردستان شەهیدبوون

ناوەندی هەواڵ

ئاژانسی هەواڵی هاوار نیوز ڕایگەیاند، دوو رۆژنامەنوسیان لە نزیك كۆبانێ بەهۆی بۆردوومانی فڕۆكە جەنگییەكانی توركیاوە شەهید بوون.

ئاژانسی هاوار نیوز لە ڕاگەیەنراوێكدا ئاماژەی بەوەكردووە، هەردوو رۆژنامەنووس جیهان بەلكین و نازم دەشتان لە نزیك بەنداوی تشرین و پردی قەرقوزاق كە دەكاتە باشوری كۆبانێ كاریان بۆ ئاژانسەكە كردووە، بەڵام بەهۆی بۆردومانی فڕۆكە جەنگییەكانی توركیاوە شەهید بوون.

دەشڵێت، دوێنێ جیهان و نازم، لەكاتی كاركردنیان لەلایەن فڕۆكەكانی توركیاوە كراونەتەوە ئامانج و كەسێكی دیكەش برینداربوون.

لە دوای رووخانی ڕژێمەكەی بەشار ئەسەد توركیا و گروپە چەكدارەكانی هاوپەیمانی هێرشدەكەنە سەر رۆژئاوای كوردستان بە تایبەت بەنداوی تشرین و پردی قەرقوزاق لە باشوری كۆبانێ و ئامادەكاری دەكەن بۆ هێرشكردنە سەر كۆبانێ.