هێرش و بۆردومانەکانی سەر کۆبانێ بەردەوامە

ناوەندی هەواڵ

هێرش و بۆردوومانەکانی تورکیا بۆ سەر کۆبانێ بەردەوامن و میدیاکانی ڕۆژئاوای کوردستانیش بڵاویانکردەوە، هێزەکانی هەسەدە لە عەین عیسا و دەوروبەری گرێسپی هێرشی گروپەچەکدارەکانی هاوپەیمانی تورکیایان تێکشکاندووە.

ئاژانسی هاوارنیوز بڵاویکردەوە، تورکیا و چەکدارە هاوپەیمانەکانی سەرلەبەیانی ئەمڕۆ پردی قەرەقۆزاخ و گوندی شێخلەری سەروی لە رۆژئاوای کۆبانێ تۆپباران کرد و هەسەدەش وڵامی هێرشەکەی داوەتەوە.

دوێنێ شەویش چەکدارەکانی هاوپەیمانی تورکیا هێرشیان کردووەتە سەر گوندی شاکیرۆ لە ڕۆژهەڵاتی عەین عیسا و هەوڵی داگیرکردنیان داوە، بەڵام لەلایەن هیزەکانی ئەنجومەنی سەربازی ڕەققەوە هێرشەکە تێکشکێنراوە. 

لەلایەکی دیکەوە، چەکدارانی هاوپەیمانی تورکیا لە ناوچەی سولوکی سەر بە شاری گرێسپی، هەوڵی داگیرکردنی ناچەکەیان داوە، بەڵام لەلایەن هیزەکانی ئەنجومەنی سەربازی رەققە وڵامدراونەتەوە و شکستیان بە داگیرکردنی ئەو ناوچانە هێناوە.