نوێترین زانیارى لەبارەى ناردنى تەواوکارى مووچەى مانگى 11

ناوەندی هەواڵ

ئەندامێكی ئەنجومەنی نوێنەرانی عێراق ڕایگەیاند، فشارەکانمان بۆ چارەسەرکردنى کێشەى مووچە بەردەوامە و چاوەڕواندەكرێت هەفتەی داهاتوو بەغداد تەواوكاریی مووچەی مانگی 11 بۆ هەرێم بنێرێت.

تا ئێستا چارەنووسی مووچەی دوو مانگی ئەمساڵ بەنادیارى ماوەتەوە لە كاتێكدا نزیك دەبینەوە لە كۆتایی ساڵی 2024.

بڕیار ڕەشید، ئەندامی ئەنجومەنی نوێنەرانی عێراق ڕایگەیاند، فشارەكانمان بەردەوام دەبن تا كێشەی مووچە چارەسەر بكرێت، بەڵام بەشێكی كێشەكە بەهۆی داهاتی ناوخۆوەیە و ئەگەر داهاتەكە زۆرە پێویستە مووچەی مانگی 11ی پێدابەشبكرێت و ئەگەر داهاتەكە كەمە رادەستی بەغداد بكرێت تاوەكو تەواوكاریی مووچەی مانگی 11 بنێردرێت.

وتیشى، چاوەڕواندەكرێت هەفتەی داهاتوو بەغداد پارەی تەواوكاریی مووچەی مانگی 11ی مووچەخۆرانی هەرێم بنێرێت.

بەغدا پارەی مووچەی فەرمانبەرانی هەرێمی ناردووە، بەڵام هەرێم بە بیانوویی كورتهێنان ئامادە نییە مووچە دابەش بكات و ئەوەش نیگەرانی فەرمانبەرانی بە دوای خۆیدا هێناوە.