وادەى خەرجکردنى پارەى كارمه‌ندانى كۆمسیۆن راگەیەندرا

بڕیارە سەرەتای هەفتەی داهاتوو پارەی کارمەندانی کۆمیسیۆن بۆ بانکەکانی هەرێمی کوردستان بگوازرێتەوە و دەست بە دابەشکردنی بکرێت.

جومانە غەلای، وتەبێژی کۆمیسیۆنی هەڵبژاردنەکانی عێراق رایگەیاند، ڕۆژی یەکشەممە پارەکە دەگوازرێتەوە سەر هەژماری بانکەکانی هەرێمی کوردستان، ئۆفیسی هەر پارێزگایەک بە جیا پارەکە وەردەگرێت و بەسەر کارمەندانی کۆمیسیۆن دابەشی دەکات.

كۆمیسیۆن 150 هەزار دینار بۆ ئەو کارمەندانە خەرج دەکات کە کارمەندی حکومەتن، 250 هەزار دینار بۆ دەرچووانی زانکۆ و پەیمانگەکان، کارمەندە یەدەگەکانیش لەنێوان 50 بۆ 100 هەزار دینار وەردەگرن.

دوو مانگ بەسەربەڕێوەچوونی هەڵبژاردنی خولی شەشەمی پەرلەمانی کوردستان تێدەپەڕێت، لەو هەڵبژاردنەشدا 42 هەزار كەس وەک كارمەند لەسەر سندووقەكانی دەنگدان بوون، كۆمیسیۆن 150 بۆ 250 هەزار دیناریان بۆ خەرج دەکات.