10 هەزار پێشمەرگە زەوی وەردەگرن

ئیرادە میدیا

سەرپەرشتیاری لیژنەی وردبینی فۆڕمی زەوی و بەڕێوەبەری كاروباری یاسایی وەزارەتی شارەوانی ئاشكرای دەكات، ناوی 50 هەزار فەرمانبەر و پێشمەرگە ڕەوانەی ئەنجوومەنی وەزیران دەكرێت بۆ وەرگرتنی زەوی.

سەربەست مەولوود، بەڕێوەبەری كاروباری یاسایی لە وەزارەتی شارەوانی حكومەتی هەرێم ڕایگەیاندووە، بڕیارە هەفتەی داهاتوو لیستێكی ناوی پێشمەرگە بۆ پێدانی زەوی بە مەبەستی وردبینی بنێرینە ئەنجوومەنی وەزیرانی هەرێمی کوردستان، کە نزیکەی 10 هەزار پێشمەرگەن.

ڕاشیگەیاندووە، تا ئێستا نزیکەی 300 هەزار فەرمانبەر و خانەنشین بۆ وەرگرتنی زەوی وردبینی لە ناوەکانیان تەواو بووە و نزیکەی 260 هەزاریان ڕەزامەندی وەرگرتنی زەوییان وەرگرتووە.

ئاماژەی بەوەشکردووە، ئەو 40 هەزار فەرمانبەرەی دیکە، کە وردبینی لە ناوەکانیان تەواو بووە و ڕەزامەندی وەرگرتنی زەوییان وەرنەگرتووە، ئەمڕۆ و سبەی ناوی هەموویان دەنێرینە ئەنجوومەنی وەزیران.