تەنها لە مانگی سێ دا تورکیا نزیکەی 12 هەزار جار هێرشی کردووەتە سەر هەرێمی کوردستان

ناوەندی هەواڵ

ناوەندی ڕاگەیاندن و چاپەمەنی هێزەکانی پاراستنی گەل- هەپەگە ڕایگەیاند، تەنها لە مانگی (ئاداردا/3) سوپای تورکیا لە زەمین و ئاسمانەوە 11 هەزار و 585 جار هێرشی کردووەتە سەر هێزەکانی گەریلا، کە لە دۆخی ئاگربەستدان.

دەقی ڕاگەیەندراوەکەی ناوەندی ڕاگەیاندن و چاپەمەنی هێزەکانی پاراستنی گەل- هەپەگە بەم شێوەیە:

 پەکەکە لەسەر بنەمایی پەیامە مێژوویەکی ڕێبەر ئاپۆ، لە 1ی ئاداری 2025دا ئاگربەستی ڕاگەیاند، فەرماندەیی بڕیارگەی ناوەندی پاراستی گەل لە هەمان ڕۆژدا فەرمانی دا هەموو هێزە بنەڕەتییەکانمان، ئەو تیمە فیدایانەیی کە بە تایبەت ئەرکدار کراوون، یەکینە خۆسەرە و خۆپاراستنەکان لە تورکیا و باکووری کورستان بە گوێرەی بڕیاری ئاگربەستەکە بجوڵێنەوە، هەموو هێزەکانمان بە گوێرەی فەرمانی پارتی و فەرماندەییمان نزیکایەتی نیشان دا و بەو جۆرە جوڵایەوە.

مانگی ئادار کە مانگی ڕەمەزانیشی تێکەوت و بۆ جیهانی ئیسلامی مانگێکی پیرۆزە، وێڕایی پێگەیی ئاگربەستی هێزەکانمان و بڕیاری پاراستنمان، دەوڵەتی تورکی قڕکەر-کۆڵۆنیالی و حکومەتی ئاکەپەی فاشیست لە نێو ئەو مانگەدا درێژەی بە هێرشەکانی دا لەسەر باکووری کوردستان و هەرێمەکانی پاراستنی مەدیا، سوپای تورکی داگیرکەر لە مانگی ئاداردا 11 جار بە چەکی کیمیاویی، 9 جار بە چەکی قەدەغەکراوە و 9 جار بە درۆنی بۆمبڕێژکراوە هێرشی کردە سەر تونێلەکانی شەڕمان لە هەرێمەکانی پاراستنی مەدیا، لە هەمان کاتدا گۆڕەپانەکانی بەرخۆدان 196 جار بە فڕۆکەی جەنگی، 98 جار بە هەلیکۆپتەری جەنگی و 11هەزارو289 جار بە چەکی قورس، تۆپ و هاوەن بۆردوومان کران.

گەریلاکانی ئازادیی کوردستان لەسەر بنەمایی پاراستی ڕەوا لە دژی هێرشە داگیرکارییەکان 13 جار دەستوەردانیان کرد و هێرشە لەناوبەرەکانیان پوچەڵ کردەوە، لە هەمان کاتدا فڕۆکەیەکی بێفڕکەوانی جۆری ئاکنجیی دەوڵەتی تورک کە بۆ کاری سیخوڕ و هێرش دەگەڕا، لە16ی ئاداری 2025دا لە ئاسمانی قەندیل لە بەرزی نۆ هەزارو 645 مەترەوە لە لایەن هێزی بەرگری ئاسمانی شەهید دەلالەوە خرایە خوارەوە.

کاتێک مرۆڤ سەیری هێرشەکانی سوپای دەوڵەتی تورکیا دەکات کە لە پڕۆسەی ئاگربەستدا لە نێو مانگێکدا کردوونی، بەڕوونی ئەوە دەردەکەوێت ئەو هێزانەی ئەم هێرشانە دەکات نایەوێت کۆتایی بە شەڕ بێت و خواستی بەردەوامیدانە بە شەڕ، گەر بەم شێوەیە نەبوایە، لە دژی هێزێک کە لە پێگەی ئاگربەستدایە ئەوەندە هێرشی ئاسمانی و زەمینی نەدەکرا، ئەمەش دەرخەری ئەوەیە دۆخ و جەختکردنەوەیەک هەیە کە نایەوێت کۆتایی بەشەڕ بێت و خواستی بەردەوامی شەڕە.

بەرفراوانی ئاماری شەڕی مانگی ئادار بەم شێوەیە:

هێرشەکانی سوپای تورکیا

هێرش بە فڕکەی جەنگی: 169 جار

هێرش بە هەلیکۆپتەری جەنگی: 98 جار

هێرش بە چەکی کیمیاویی: 11 جار

هێرش بە درۆنی بۆمبڕێژکراو: 9 جار

هێرش بە تەقەمەنی قەدەغەکراو:9 جار

هێرشەکان بە چەکی قورس، تۆپ و هاوەن: 11289 جار

دەستوەردان و بەرپەچدانەوەی گەریلا لە دژی هێرشەکان

دەستوەردان و بەرپەرچدانەوەی ڕەوای گەریلا: 13جار