بە تەواوی سزاکانى سەر فڕۆکەخانەى سلێمانى کۆتایی هات

ئیرادە میدیا

کاروان یاروەیس، ئەندامی پەرلەمانى عێراق لە فراكسیۆنی یەکێتی، لەبارەی کۆتاییهاتى سزاکانى سەر فڕۆکەخانەى نێودەوڵەتى سلێمانى لەلایەن تورکیاوە، ڕاگەیاندراوێکى بڵاوکردەوە.

لە ڕاگەیاندراوەکەدا، کاروان یاروەیس وتویەتی: بە فەرمی سزاکانی سەر فڕۆکەخانەی سلێمانی کۆتایی هات و لەم ساتەوە هەر فڕۆکەیەک بیەوێت بەرەو فڕۆکەخانەی نێودەوڵەتی سلێمانی بفڕێت، ئازادە."

ناوبراو ئاماژەی بەوەشکرد، دەسەڵاتی فڕۆکەوانی تورکیا پەیامێکی ئاگادارکردنەوەی بۆ فڕۆکەوانان، لە سیستەمی چێبسی جیهانی ناردووە، کە بەپێی ئەو پەیامە، "ئاسمانی وڵاتی تورکیای بەڕووی سلێمانی بۆ هەموو گەشتێکی تورکی و ئەوروپی كردەوە".

تورکیا لە مانگی نیسانی ساڵی ٢٠٢٣ـەوە بە بڕیارێکی سیاسی و ئەمنی، گەشتەکانی فڕۆکەخانەی نێودەوڵەتی سلێمانی ڕاگرتبوو، ئەم بڕیارە کاریگەرییەکی بەرچاوی لەسەر هاتوچۆی نێوان سلێمانی و وڵاتانی ئەوروپا و تورکیا دروست کردبوو. لەگەڵ کۆتاییهاتنی ئەم سزایە، چاوەڕوان دەکرێت جموجۆڵی گەشتە ئاسمانییەکان بۆ سلێمانی بە شێوەیەکی بەرچاو زیاد بکاتەوە.