به‌بڕیارى په‌رله‌مان په‌چه‌ قه‌ده‌غه‌ ده‌كرێت

پەرلەمانی پورتوگال ڕۆژی هەینی لەدەنگدانی سەرەتاییدا پڕۆژە یاسایەکی پەسەندکرد کە لەلایەن ڕاستڕەوی توندڕەوەوە پێشنیازکرابوو کە "ڕووپۆشکردنی دەموچاو لەشوێنە گشتیەکان" قەدەغە بكرێت، كه‌ بەشێوەیەکی کاریگەر لەبەرکردنی نیقابی كه‌مینه‌ی وڵاته‌كه‌ی كردبووه‌ ئامانج".

ئاژانسی هه‌واڵی "فرانس پرێس" بڵاویكردووه‌ته‌وه‌، ئەم یاسایە لەلایەن پارتی چیگاى ڕاستڕەوی توندڕەوەوە پێشنیازکراوە کە لەهەڵبژاردنی یاسادانانی پورتوگال کە مانگی ئایاری ڕابردوو بەڕێوەچوو، بووە دووەم هێزی سیاسی له‌پورتوگال.

پڕۆژه‌یاساکە 60 دەنگی پارتەکەی چیگای وەرگرت، ئەمە جگە لەدەنگی هاوپەیمانی حکوومی (ناوەند-ڕاست)و پارتە لیبراڵەکان‌و به‌زۆرینه‌ی ده‌نگ پڕۆژه‌یاساكه‌ په‌سه‌ندكرا، به‌ڵام له‌دانیشتنه‌كه‌دا پارتە چەپ‌و کۆمۆنیستەکان دەنگیان لەدژی یاساکەدا.

بەوتەی بەرپرسانی موسڵمان لەپورتوگال، نیقاب بەشێوەیەکی بەرفراوان لەلایەن ژنانی موسڵمان لەپورتوگال لەبەرناکرێت، بەڵام نەریتێکە کە هەندێک پابەندن پێیەوە.