توركیا بڕیارێك به‌عێراق ده‌دات

میدیایه‌كی ئێرانی ئاشكرایكرد؛ به‌پێی رێككه‌وتنێك توركیا ئاماده‌یی ده‌ربڕیوه‌ یه‌ك ملیار مه‌تر سێجا به‌ره‌و عێراق به‌ربداته‌وه‌و له‌به‌رامبه‌ریشدا ڕۆژانه‌ به‌غدا نیو ملیۆن به‌رمیل نه‌وت هه‌نارده‌ی ئه‌و وڵاته‌ ده‌كات.

ماڵپه‌ڕی دیپلۆماسیی ئێران ئاماژه‌ی به‌وه‌كردوه‌، سه‌ودانامه‌كه‌ له‌ڕووكه‌شدا ئابوریی دیاره‌، به‌ڵام ئه‌وه‌ی ئه‌نكه‌ره‌ كردویه‌تی هه‌نگاوێكی گه‌وره‌ی ستراتیژییه‌ له‌به‌كارهێنانی ئاو وه‌ك كارتێكی فشاری جیۆسیاسی كه‌ نه‌ك هه‌ر به‌ته‌نها كاریگه‌ری له‌سه‌ر عیراق ده‌بێت، به‌ڵكو لێكه‌وته‌كانی ئه‌و هه‌نگاوه‌ ئێرانیش ده‌گرێته‌وه‌ كه‌ گیرۆده‌ی كه‌مئاوی بوه‌ته‌وه‌.

به‌پێی ماڵپه‌ڕه‌ ئێرانییه‌كه‌، وشكبونی چه‌ند ده‌ریاچه‌یه‌ك له‌وڵاته‌كه‌یان ده‌رئه‌نجامی پشتگوێخستنی ناوخۆی نییه‌ به‌ته‌نها، به‌ڵكو به‌رهه‌می راسته‌وخۆی سیاسه‌تی توركیاو دروستكردنی چه‌ندان به‌نداوی ئاوه‌ كه‌ بوونه‌ته‌ هۆی كه‌مبونه‌وه‌ی ئه‌و ئاوه‌ی كه‌ ده‌ڕژێته‌ ئێرانه‌وه‌.