سودانی: پابەندین بە دەستاودەست کردنی دەسەڵات

ناوەندی هەواڵ

سەرۆک وەزیرانی عێراق دەڵێت، هەڵبژاردنێکی پاک و بێگەرد مافی نوێنەرایەتی دەستەبەر دەکات، دەشڵێت" ئامادەین بۆ دەستاودەست کردنی دەسەڵات".

ئەمڕۆ لە هەڵبژاردنی گشتی شەشەمین خولی پەرلەمانی عێراق، محەممەد شیاع سودانی، سەرۆک وەزیرانی عێراق  دوای ده‌نگدانی لە ناوچەی کەڕادە مریەم لە بەغدا رایگەیاند، بەشێوەیەکی دیموکراسییانە ئامادەین دەسەڵات رادەست بکەین.

وتیشی" ئەم هەڵبژاردنە بۆ گەلی عێراق پرۆسەیەکی مێژووییە، چونکە لە رێگەی ئەم پرۆسە دیموکراسییەوە، گەلەکەمان بڕیادەدات دەسەڵات لەلای کێ بێت و ئایندەی عێراق چۆن بێت".

سودانی باسی لەوەشکرد، کە دەنگدان مافێکی دەستوری هەموو تاکێکە، وتی، بەهیواین هەموو تاکێک بەوپەڕی هۆشیارییەوە نوێنەری خۆی هەڵبژێرێت.

هاوکات، لەبارەی چاودێرانی هەڵبژاردنیشەوە وتی، جەختمان لەوە کردبووەوە کە چاودێرانی نێودەوڵەتی بەشدار بن لە چاودێری کردنی پرۆسەی هەڵبژاردن.

كاتژمێر 7:00ی به‌یانی ئه‌مڕۆ ده‌نگدانی گشتی بۆ هه‌ڵبژاردنی  پەرلەمانی عێراق له‌ سه‌رتاسه‌ری سه‌رجه‌م پارێزگاكانی عێراق و هه‌رێمی كوردستان ده‌ستیپێكرد و نزیكه‌ی  21 ملیۆن و 404 هه‌زار و 291 كه‌س لە پرۆسەکەدا مافی ده‌نگدانیان هه‌یه‌.