یه‌كێتیى به‌فه‌رمى كشانه‌وه‌ى كاندیده‌كانى ڕاده‌گه‌یه‌نێت

یه‌كێتیى نیشتمانى كوردستان به‌فه‌رمیى كشانه‌وه‌ى كاندیداكانى له‌بازنه‌ى دهۆك ڕاگه‌یاند، قوباد تاڵه‌بانى له‌كۆبوونه‌وه‌یه‌كدا له‌سنوورى دهۆك به‌یه‌كێتیه‌كانى وت، "پێویسته‌ له‌سه‌ر هه‌موو یه‌كێتییه‌كان، ده‌نگ به‌كاندیده‌كه‌ى كۆتاى كریستیانه‌كان بكه‌ن كه‌ سه‌ر به‌ڕه‌ییان كلدانیه‌"

ئه‌مڕۆ كاندیداكانى یه‌كێتیى لەسنووری پارێزگای دهۆک، لەشارى هەولێر لەگەڵ قوباد تاڵەبانی کۆبوونەوە، بەشداربوویەکی کۆبوونەوەکە دەڵێت:"بڕیاردرا ڕێکخستنەکانی یەکێتیی لەدهۆک‌و دەنگدەرانیان دەنگ بەكاندیده‌كه‌ى کۆتای مەسیحیه‌كان بدەن كه‌ سه‌ر به‌ڕه‌ییان كدانیه‌".
 
گۆران جوبرائیل كاندیدى یەکێتیی لەبازنەی دهۆک ئاشكرایكردووه‌، "لەگەڵ قوباد تاڵەبانی کۆبووینەوە، بڕیاردرا لەسنووری پارێزگای دهۆک دەنگ بەكاندیدى کۆتایی مەسیحی بدەن".
 
كاندیده‌كه‌ى یەکێتیی هۆکاری بڕیاری حزبەکەی بۆ ئەوە گەڕانەوە "ئامانجیان" بەدەستهێنانی کورسییە لەسنووری پارێزگاکەو لەو بڕوایەداین بەمشێوەیە ئەگەری مسۆگەرکردنی کورسی زیاترە لەجیاتی دەنگدان بەكاندیداكانى یەکێتیی".
 
ئه‌وه‌شى وت، "ئەو كاندیده‌ى کۆتا كه‌ سه‌ر به‌ڕییان كدانییه‌، بەربژێری یەکێتییەو وتیشی، "بڕیاری سەرۆک بافڵ جەلال تاڵەبانییەو پێوەی پابەند دەبین". 
 
پێش کۆبوونەوەکەی ئەمڕۆ، هەریەک لەشینوشاد تاهیرو ئازا مەجید، کە كاندیدى یەکێتین لەدهۆک باسیان له‌وه‌كرد، "حزب هەر بڕیارێک بدات پێوەی پابەند دەبین".
  
پێشتر ئیمان عەبدولڕەزاق سەرلیستی یەکێتیی نیشتمانیی لەدهۆک ڕایگەیاندبوو، "لەکۆبوونەوەکە ئامادەنابم‌و مکوڕم لەسەر بەردەوامیم وەکو كاندید بۆ خولی شەشەم‌و دناکشێمەوە لەڕکابەری".
 
ئیمان عەبدولڕەزاق دەڵێت "بڕیاردراوە رێکخستنەکانی یەکێتی دەنگ بەئەسیر ئیبراهیم یۆخەننا بدەن، کە كاندیدى کریستیانەو سەر بەڕەیان کلدانییە".
 
ئیمان عەبدولڕەزاق، سەرلیستی یەکێتیی نیشتمانیی کوردستان ئەمڕۆ لەدهۆک وازهێنانی لەیەکێتیی ڕاگەیاند، بەپێی زانیاری لقی یەکی پارتی لەدهۆک چووەتە نێو ڕیزەکانی پارتی.