كۆمسیۆن بڕیارێكى به‌په‌له‌ى به‌سه‌ر ژماره‌یه‌ك كاندیدا سه‌پاند

كۆمسیۆنی باڵای هەڵبژاردنەكانی عێراق ئاشكرایكرد، شەش كاندیدی بەهۆکاری جیا دورخستووەتەوە كە یەكێكیشیان دەنگی پێویستی هێناوە بۆ بون بەپەرلەمانتاریى.

بەپێی ئەو بەڵگەنامانەی کۆمسیۆنی باڵای هەڵبژاردنەكانی عێراق بڵاویکردوەتەوە، شەش كاندیدی بەهۆكاری جیاجیا دروخستەوە.

لەبەڵگەكانیشدا ئەوە دەردەكەوێت، كە یەکێک لەکاندیدە دورخراوەکان ئەحمەد ئەسعەد زین عابدین سمین بوە، کە کاندیدی هاوپەیمانی سەڵاحەدینی یەکگرتوو بوو، بەهۆی نادروستی لەبەڵگەنامەی خوێندنەکەی دورخراوەتەوە.

هاوکات لەبەڵگەنامەکاندا هاتووە، هەریەک لەیونس قاسم کە کاندیدی هاوپەیمانی حەسمی نیشتمانی بوو، دورخراوەتەوەو دەنگەکانیشی پوچەڵکراونەتەوە، هبە تۆفیق کاندیدێکی دیکەی هاوپەیمانی حەسمی نیشتمانی دوورخراوەتەوەو دەنگەکانیشی پوچەڵکراونەتەوە، نیهاد فەیسەڵ کاندیدی هاوپەیمانی سەروەری دورخراوەتەوەو دەنگەکانیشی پوچەڵکراونەتەوە، نەوفەل شەریف جودەت دوورخراوەتەوەو دەنگەکانی لەپرۆسەی دەنگداندا پوچەڵکراونەتەوە، خزێر عەلیویجەبار كاندید لەهاوپەیمانی حەسمی نیشتمانی بوو هۆکاری دورخستنەوەکەی بۆ نەتوانینی پێشکەشکردنی بەڵگەنامەیەکی خوێندنی نوێ‌و تایبەت بەکاندیدبوو نەگەڕاندوەتەوە.