ئێران دانوستان له‌گه‌ڵ ئه‌مه‌ریكا ره‌تدەكاته‌وه‌

ناوەندی هەواڵ

وتەبێژی وەزارەتی دەرەوەی ئێران له‌باره‌ى دانوستانەوە وه‌ڵامى دۆناڵد تره‌مپ، سه‌رۆكى ئه‌مه‌ریكاى دایه‌وه‌ و دەڵێت، لە ئێستادا هیچ پرۆسەیەکی دانوستان لە نێوان ئێران و ئەمه‌ریکادا نییە.

ئیسماعیل بەقایی، وتەبێژی وەزارەتی دەرەوەی ئێران ڕایگەیاندوە "لە ئێستادا هیچ پرۆسەیەکی دانوستان لە نێوان ئێران و ئەمه‌ریکادا بوونی نییە، به‌و جۆره‌ى سه‌رۆكى ئه‌مه‌ریكا باسیكردووە راست نییه‌".

وتیشی"وەک وەزیری دەرەوەى ئێران عه‌باس عیراقچى، چەندین جار جەختی لەسەر کردووەتەوە، دانوستان لەگەڵ لایەنێک کە باوەڕی بە یەکسانی و هاوسەنگی دانوستانەکان نییە، شانازی بە هەڵەکانی خۆی دەکات لە دەستدرێژیی سەربازیی دژی ئێران و کوشتنی منداڵانی ئێرانی، و بەڕوونی هەوڵی سەپاندنی خۆی دەدات داواکارییەکان، هیچ پاساوێکی لۆژیکی نییە".

دواى شه‌ڕى 12ه‌ رۆژه‌ ئێران و ئیسرائیل، دانوستانه‌ ناڕاسته‌وخۆكانى نێوان ئه‌مه‌ریكا و ئێران ڕاگیراون و له‌وكاته‌وه‌ هیچ گفتوگۆو دانوستانێك نه‌كراوه‌.