هەواڵێكى خۆش بۆ کوردانی بەریتانیا.. به‌ڵام ئه‌وانه‌ ناگرێته‌وه كه‌ تازه‌ ده‌چنه‌ ئه‌و وڵاته‌

سه‌رجه‌م ئه‌و یاسایانه‌ى حكومه‌تى به‌ریتانیا وه‌كو كۆت‌و به‌ند له‌سه‌ر په‌نابه‌ران دایناوه‌، ئه‌وكه‌سانه‌ ناگرێته‌وه‌ كه‌ ساڵانێكه‌ له‌و وڵاته‌ نیشته‌جێبون.

ڕەنج پشدەری چالاکوانى بوارى مافه‌كانى په‌نابه‌ران به‌ئیراده‌ میدیاى ڕاگه‌یاند، "ته‌واوى ئه‌و یاسانه‌ى تازه‌ دەرچون لەسەر پەنابەران لەوڵاتی بەریتانیا تەنها بۆ ئەوکەسانەیە کەتازە دەگەنە ئەو وڵاتە".

ده‌شڵێت، "یاساكانى به‌ریتانیا ئەو پەنابەرانە ناگرێتەوە کە لەبەریتانیا دەژین‌و داوای مافی مانەوەیان کردوە، بەڵام بۆ لەمەودوا هەر کەسێک بگاتە ئەو وڵاتە هەموو یاسا تازانه‌ دەیانگرێتەوە".

ئه‌وه‌شى وت، "هەرچی لەبارەی ڕێکەوتنی یەک بەیەک لەئێستادا بەریتانیا زۆر بەجدی کار لەسەر ئەو ڕێکەوتنە دەکات، بەپێی زانیاریەکان ڕۆژانە دەیان کەس لەوکەسانەی تازە دەگەنە بەریتانیا، دەبرێن بۆ دیپۆرت سەنتەرەکان تاوەک بیاننێرنەوە بۆ فەرەنسا".