نەتەوە یەکگرتووەکان: تا ئێستا نەتواندراوە یارمەتییە مرۆییەکان لە غەززە دابەش بکرێن

ناوەندی هەواڵ

نەتەوە یەکگرتووەکان ڕایدەگەیەنێت، کە بەھۆی ئەو گەمارۆییە سەختەی کە ماوەی چەندین ھەفتەیە لەلایەن سوپای ئیسرائیلەوە بەسەر کەرتی غەززەدا، سەپێندراوە، تا ئێستا نەتواندراوە یارمەتییە مرۆییەکان لە غەززە دابەش بکرێن.

ستیفان دوجاریک وتەبێژی نەتەوە یەکگرتووەکان،رایگەیاندووە، لە دووشەممەی ڕابردووە، چوار بارھەڵگر کە خۆراکیان ھەڵگرتووە، چوونەتە ناو کەرتی غەززە بەڵام بە ھۆی ئەو گەمارۆییە سەختەی کە ماوەی چەندین ھەفتەیە لەلایەن سوپای ئیسرائیلەوە بەسەر کەرتی غەززەدا، سەپێندراوە، تا ئێستا بارھەڵگرەکان نەیاتوانیوە ماددە خۆراکییەکان بگوزانەوە کۆگاکانی سەربە نەتەوە یەکگرتووەکان لە غەززە.

ئاماژەی بەوەسکرد، تا ئێستا، نەتواندراوە، یارمەتییە مرۆییەکان بەتایبەتی ماددە خۆراکییەکان بەسەر فەڵەستینییەکاندا لە کەرتی غەززە، دابەش بکرێن".