مووچەی خانەنشینانی هەرێم کێشەی بۆ دروستبوو

ئەندامێکى ئەنجومەنی نوێنەرانی عێراق رایگەیاند، کێشە بۆ مووچەى خانەنشینانى هەرێم دروستبوە و دەشڵێت،  بەغدا 940 ملیار دینار بۆ مووچەی مانگی یەک دەنێرێت، ئەوەش واتای ئەوەیە بەغداد ئەو بڕە نانێرێت کە حکومەتی هەرێمی کوردستان داوای دەکات.

سۆران عومەر، ئەندامی ئەنجوومەنی نوێنەرانی عێراق رایگەیاند، مووچەی خانەنشینانی هەرێمی کوردستان کێشەی بۆ دروستبووە، بەهۆی ئەوەی ناوی خانەنشینانی سەروو 60 ساڵ لە لیستی مووچە دەرهێندراوە.

وتیشى، وەزارەتی دارایی عێراق بەڵێنی ناردنی مووچەی مانگی یەکی مووچەخۆرانی هەرێمی داوە، کە بڕەکەی نزیکەی 950 ملیار دینارە ئەوەش واتای ئەوەیە بەغداد ئەو بڕە نانێرێت کە حکومەتی هەرێمی کوردستان داوای دەکات.

بەوتەى ئەو پەرلەمانتارە، بۆ پرسی مووچەی فەرمانبەرانی هەرێم ئەوەی ئێستا روودەدات ئەو رێککەوتنە نییە کە ببێتە رێککەوتنی تەواوی ساڵەکە، بەڵکو پێویستە بابەتی مووچە بۆ ساڵێکی تەواو یەکلابکرێتەوە، چونکە باجی گرفتەکان خەڵک دەیدات.