×

2024-02-04 142 جار خوێنراوەتەوە

لە چیلى ٤٦ كەس گیانیان لە دەستدا

سەرۆكی چیلی ڕایگەیاند، شەوی ڕابردوو لە ئەنجامی ئاگر كەوتنەوە لە دارستانەكانی ناوەڕاست و باشووری ئەو وڵاتە، لانیكەم ٤٦ كەس گیانیان لە دەستداوە، دەشڵێت، ئەگەری بەرزبوونەوەی ژمارەی قوربانییەكان هەیە.

 گابرێل بوریچ، سەرۆكی چیلی و بەرپرسانی ئەو وڵاتە لە بارەی ئاگر كەوتنەوە لە دارستانەكانی وڵاتەكەیان و بوونە قوربانی ژمارەیەك هاوڵاتی بۆ میدیا جیهانییەكان دەدوێت.

گابرێل بوریچ ڕایگەیاند، شەوی ڕابردوو ئاگر لە دارستانەكانی باشوور و ناوەڕاستی وڵاتەکەمان كەوتووەتەوە، ئاگرەكە بەتایبەت لە ناوچەی گەشتیارییەكانی ڤالپارایسۆ و هاوینەهەواری بەناوبانگی ڤینا دێل مار کاریگەرى زیاتر بووە.

ئاماژەی بەوەشكرد، بەهۆی ئەو ئاگرەوە لانیكەم ٤٦ كەس گیانیان لە دەستداوە، هەروەها ئەگەری بەرزبوونەوەی ژمارەی قوربانییەكان هەیە.

كارۆلینا تۆها، وەزیری ناوخۆی چیلی ڕایگەیاند، بەهۆی ئاگر كەوتنەوەكەوە نزیكەی ٤٣ هەزار هێكتار زەوى بە تایبەت لە كەناراوەكانی زەریای هێمن سووتاون و لە ناوچوون.

ماكارێنا ڕیپامۆنتێ، سەرۆكی شارەوانی ڤینا دێل مار ڕایگەیاند، ئەمە كارەساتێكی بێ وێنەیە و هەرێمی ڤالپارایسۆ هەرگیز زیانی بەم قەبارەیە نەبینیووە.

دەسەڵاتدارانی چیلی قەدەغەی هاتووچۆیان لە شەواندا ڕاگەیاند، ئەمەش بۆ ئاسانكاری لە دابینكردنی پێداویستی بۆ تیمەكانی فریاكەوتن.

لە كۆتایدا حكومەتی چیلی داوا لە دانیشتوانی ناوچەكە دەكات ماڵەكانیان چۆڵ بكەن، بەڵام تا ئێستا نەتوانراوە بزانرێت چەند خێزان لە ماڵەكانیاندا ماونەتەوە.

  • سوریا بە درۆن هێرشی کرد سەر خاڵێکی سەربازیی تورکیا

  • ژمارەی قوربانیان لە غەززە 39 هەزار كەسی تێپەڕاند

  • هەوڵی لێسەندنەوەی منداڵێک لە لیدزی بەریتانیا پۆلیس و دانیشتوانی پەنابەری شارەکە دەدات بەیەکدا

  • ئەمەریکا: ئێران ڕێگرە لە دامەزراندنی دەوڵەتی فەڵەستین

  • فەڕەنسا؛ لە رووداوێکی ئاگرکەوتنەوەدا حەوت کەس گیانیانلەدەستدا

  • زیاتر لە 108 کۆمپانیاى بەریتانى چەک بۆ ئیسرائیل دابیندەکەن

  • ئیسرائیل داوای چۆڵكردنی غەززە دەکات

  • کۆشکی سپی دەستپێکردنەوەی دانوستاندنە ئەتۆمییەکان لەگەڵ ئێران ڕەتدەکاتەوە

  • بەهۆى تینوویێتی 12کۆچبەری رۆژئاوا گیانیان لەدەستدا

سەرەکی