هێزێكى موقته‌دا سه‌در له‌ دیاله‌ هێرشى ده‌كرێته‌سه‌ر

ناوەندی هەواڵ

دوو ئه‌ندامى هێزه‌كانى "سه‌رایا سه‌لام" باڵى سه‌ربازى ڕه‌وتى سه‌در به‌هۆى بۆردومانكردنى بنكه‌كه‌یان له‌ ڕێگه‌ى مووشه‌كه‌وه‌، له‌ پارێزگاى دیاله‌ى باكورى عێراق برینداربوون.
به‌پێى هه‌واڵى میدیاكانى عێراق، به‌ره‌به‌یانى ئه‌مرۆ له‌ ناحیه‌ى كه‌نعانى سه‌ر به‌ پارێزگاى دیاله‌، باره‌گایه‌كى هێزه‌كانى سه‌رایا سه‌لام له‌ شوێنێكى نزیك له‌ پارێزگاكه‌وه‌ به‌ موشه‌ك هێرشى كراوه‌ته‌سه‌ر، ئه‌و هێزانه‌ى له‌ باره‌گاكه‌شدا بوون به‌ ته‌قه‌ى هه‌ره‌مه‌كى وه‌ڵامى هێرشه‌ مووشه‌كیه‌كه‌یان داوه‌ته‌وه‌، به‌هۆیه‌وه‌ دوو ئه‌ندامى هێزه‌كه‌ برینداربوون و زیان به‌ر باره‌گاكه‌شیان كه‌وتووه‌.
به‌هۆى ئه‌و هێرشه‌وه‌ له‌لایه‌ن فه‌رمانده‌یی ئۆپه‌راسیۆنه‌كانى دیاله‌ و حه‌شدى شه‌عبى ده‌ستیان به‌ لێكۆڵینه‌وه‌ كردووه‌ و هیچ لایه‌نێكیش به‌رپرسیارێتى هێرشه‌كه‌ى نه‌گرتووه‌ته‌ ئه‌ستۆ.