لە ئیتالیا بەهۆى ژێرئاو کەوتنى بەلەمێکى کۆچبەران 21 کەس بێسه‌روشوێن بوون

ناوەندی هەواڵ

فەرمانگەی کۆمسیۆنی باڵای نەتەوەیەکگرتوەکان بۆ پەنابەران ژێر ئاوکەوتنى بەلەمێکى کۆچبەرانى لە لەدەریای سپی ناوەڕاست لەنزیک دورگەی لامپیدوزای ئیتاڵیا راگەیاند، بەپێى ئامارە سەرەتاییەکانیش تا ئێستا 21 کۆچبەر بێسەروشوێنن.

چیارا کاردۆلێتی وتەبێژی کۆمسیۆنی باڵای پەنابەران ئاماژه‌ى به‌وه‌داوه‌، زیاتر لە 20 کەس لەدەریای ناوەڕاست بێسەروشوێنن پاشئەوەی بەلەمێک لە 1ی ئەیلول نقوم بوو، ئەو حەوت ڕزگاربوەی تیمەکەمان لەلامپیدوسا ڕزگاریان کردون، لەدۆخێکی سەختدان، زۆربەیان کەسوکاریان لەدەستداوە.

میدیاکانی ئیتاڵیا دەڵێن 21 کەس بێسەروشوێنن کە سێ منداڵیان تێدایە، پاسەوانی کەناراوەکانی ئیتاڵیاش کە هەندێ لەکۆچبەرەکانیان ڕزگارکردوە، دەڵێن، "پەنابەرەکانی ناو بەلەمەکە خەڵکی سوریان".

بەگوێرەی ڕێکخراوی نێودەوڵەتیی کۆچبەران، لەساڵی 2023دا زیاتر لە سێ هه‌زار کۆچبەر دوای ئەوەی هەوڵیانداوه‌ لەدەریای ناوەڕاست بپەڕنەوە، تائێستا بێشه‌روشوێنن.

دووشەممەى ڕابردوش مێدیاکانی ئیتاڵیا بڵاویانکردەوە، بەلەمێکی کۆچبەران لەئاوەکانی ئیتاڵیا تێکشکاوەو دەیان کۆچبەر کە بەشێکیان کوردن، تائێستا بێسه‌روشوێنن.