پەیامێكی نوێ لە مەزڵوم عەبدییەوە

فەرماندەی گشتی هێزەكانی سوریای دیموكرات ئامادەیی دەربڕی ببن بە بەشێك لە سوپای نیشتمانی سوریا، دەشڵێت " لەگەڵ ئەمریكا بەردەوام دەبین بۆ فشار خستنە سەر توركیا بۆ ئەوەی شەڕ بوەستێنێت".
مەزڵوم عەبدی، فەرماندەی گشتیی هێزەكانی سوریای دیموكرات - هەسەدە ڕایگەیاند:"دەمانەوێت ببینە بەشێك لە سوپای نیشتمانی سوریا ئەگەر دروست بكرێت".
عەبدی وتیشی:" پێشوازیی لە لێدوانەكانی دەسەڵاتدارانی نوێی سوریا دەكەین و لێدوانەكانیان ئەرێنین، تا ئێستا لەگەڵ دەسەڵاتی نوێی سوریا كۆنەبووینەتەوە، بەڵام ئامادەین كۆ ببینەوە و گفتوگۆ بكەین".
وتەكانی مەزڵوم عەبدی لەكاتێكدایە، چەتەكانی سەر بە توركیا لە كۆبانێ و مەنبج هێرشی چڕ دەكەنە سەر هێزەكانی سوریای دیموكرات و توركیاش لە سەر سنوری باكور و ڕۆژئاوای كوردستان هێزی كۆكردووەتەوەو هەڕەشەی داگیركردنی ڕۆژئاوا دەكات.