لەكاتی كاركرندا دوو کرێکار گیانییان لەدەستدا

لە شاری کرماشان بەهۆی کەوتنە خوارەوە لە بینایەك، دوو کرێکاری کورد كە كاریان تێدا دەكرد گیانیان لەدەستدا.

ماڵپەڕى کۆڵبەرنیوز بڵاوی کردەوە، دوو کرێکاری کورد لە کاتی کارکردندا لە بینایەک لە شەقامی بلواری مستەفا ئیمامی لە شاری کرماشان کەوتنە خوارەوە و دەستبەجێی گیانیان لەدەستدا.

ماڵپەڕەکە رایگەیاندووە، ئەو دوو کرێکارە بە هۆی نەبوونی پاراستن و هەلومەرجی گونجاوی شوێنی کارەوە تووشی ئەو ڕووداوە بوون و لە ئەنجامدا گیانیان لەدەستدا.

گیانلەدەستدانى ئەو دوو کرێکارە لەکاتێکدایە،  لە ساڵى رابروو لە ئێران و رۆژهەڵاتى کوردسنان  لەشوێنى ککارکردندا زیاتر لە دووهەزار کرێکار گیانیان لەدەستداوە، لەکۆى ئەو ژمارەیەش 21 کرێکاریات ژن بوون و بە پێى ئامارەکان دەرکەوتووە رێژەى گیانلەدەستدانى کرێکار بەراورد بەساڵانى رابردوو بەرێژەى 3% زیادیکردووە.