دەم پارتى داواى کردنەوەى دەرگاکانی ئیمراڵی دەکات

هاوسەرۆکی گشتیی پارتی دیموکراسی و یەکسانی گەلان دەم پارتی رایگەیاند، دەبێت دەرگاکانی ئیمراڵی بکرێنەوە و تەنها دیدار لەگەڵ ئۆجەلان بەس نییە، دەشڵیت، وەک چۆن خەڵکی کۆبانێ بەرامبەر بە داعش تێکۆشان و بەریان پێگرت، بە هەمان شێوە تێدەکۆشین و کۆبانێ ناکەوێت.

تولای حاتەمئۆگیولاری هاوسەرۆکی گشتیی دەم پارتی رایگەیاند، دەبێت دەرگاکانی ئیمراڵی بکرێنەوە و هەلومەرجی جەستەیی بۆ ئۆجەلان دەستەبەر بکرێت، بۆ ئەوەی بتوانێت لەپێناو ئاشتی لەسەرتاسەری رۆژهەڵاتی ناوەڕاست تێبکۆشێت.

وتیشى، دوای رووخانی رژێمی سوریا دیموکراسی لەو وڵاتە نەچەسپا،  باکور و رۆژهەڵێتی سوریا لەلایەن چەتەکانی بەناو سوپای نەتەوەیی سوریا دەکرێتە ئامانج، ئەوانەی دەیانگوت 'کۆبانێ دەکەوێ و لە ئان و ساتی کەوتندایە' ئێستا جارێکی دیکە گەشاونەوە، چیان پێبکرێت بۆ کەوتنی کۆبانێ دەیکەن. بەڵام وەک چۆن خەڵکی کۆبانێ بەرامبەر بە داعش تێکۆشان و بەریان پێگرت، بە هەمان شێوە تێدەکۆشن و کۆبانێ ناکەوێت ئەمەش دەبێت وانەیەک بۆ ئەوانەی دەیانەوێت بیخەن.