لە هەوڵیر خۆپیشاندانى فراوانى مامۆستایان دەستپێدەکات

نوێنەری گشتی مامۆستایانی گرێبەست لەهەرێمی کوردستان رایگەیاند، سەرەتاى هەفتەى داهاتوو لەبەردەم بینای ئەنجومەنی وەزیران دەست بە خۆپیشاندانى فراوان دەکەن بۆ داواکردنى مافە ڕەواکانیان، سەرەکیترینیان مووچەیە.

عەلى ڕەوف نوێنەری گشتی مامۆستایانی گرێبەست لەهەرێمی کوردستان رایگەیاندووە، بەهۆی دواکەوتنی مووچەی مانگەکانی 7،8 و 12ى ساڵی رابردوو بڕیارمانداوە رۆژی دووشەممەی داهاتوو وەک مامۆستایانی گرێبەست خۆپیشاندانی بەرفراوان بکەین لە هەولێر.

وتیشى، لەپێناو گەڕانەوەی شکۆ بۆ مامۆستا لە پێناو بەرەو پێشچوونی کەرتی پەروەردە خۆپیشاندان دەکەن و ئاماداکاری تەواو کراوە لەسەرجەم پەروەردەکان.

خۆپیشاندانى مامۆستایان لە هەولێر لە کاتێکدایە، ماوەى دوو رۆژە لە سنورى سلێمانى مامۆستایان و فەرمانبەران دەستیان بە بایکۆت و خۆپیشاندان و مانگرتن لە خواردن کردووە،تا ئێستاش هیچ لایەنێک وەڵامى داواکاریەکانیانى نەداوەتەوە.