وڵاتانی عەرەبی نیەتیان باشە و واشنتن دەرفەتێکیان پێدەدات لەبارەی گەشتن بەپلانێک بۆ غەززە

ماركۆ ڕۆبیۆ وەزیری دەرەوەی ئەمریکا لەبارەی چۆنیەتی گەشتن بەپلانێک لەبارەی غەززەوە ڕایگەیاند : "ده‌رفه‌تێك ده‌ده‌نه‌ وڵاتانی عه‌ره‌بی بۆ گه‌شتن به‌ پلانێك له‌باره‌ی ئاینده‌ی غه‌ززه‌وه‌ و پێشیان وایه‌ به‌ نیه‌تی وڵاتانی عەرەبی بەپێی سیاسەتی ئەوان وەک ئەمریکا باشه ‌و پێکەوە كار ده‌كه‌ن لەوبارەیەوە .
سێ شه‌ممه‌ی ڕابردوو تره‌مپ له‌ كۆنگره‌ ڕۆژنامه‌نووسێكه‌یدا له‌گه‌ڵ بنیامین نه‌ته‌نیاهۆدا  له‌ كۆشكی سپی پێشنیازی ده‌ستبه‌سه‌رداگرتنی غه‌ززه‌ی كرد له‌لایه‌ن ئه‌مریكاوه‌ .

ویلایه‌ته‌ یه‌كگرتووه‌كانی ئه‌مریكا ده‌ست به‌سه‌ر كه‌رتی غه‌ززه‌دا ده‌گرێت 
"ویلایه‌ته‌ یه‌كگرتووه‌كانی ئه‌مریكا ده‌ست به‌سه‌ر كه‌رتی غه‌ززه‌دا ده‌گرێت و پێیان وایه‌ بۆ ماوه‌یه‌كی درێژ خاوه‌ندارێتێكه‌ی بۆ ئەوان ده‌مێنێته‌وه وئه‌مریكا لێپرسراوێتی دووباره‌ ئاوه‌دانكردنه‌وه‌ی كه‌رته‌كه‌ له‌ ئه‌ستۆ ده‌گرێت و ده‌یكات به‌ ڕیڤیێریای ڕۆژهه‌ڵاتی ناوه‌ڕاست بۆ هه‌موو جیهان" ترمپ وادەڵێت .
وەزیری دەرەوەی ئەمریکا ماركۆ ڕۆبیۆ دەڵێت"هاوبه‌شه‌ عه‌ره‌به‌كانیان له‌ماوه‌ی دوو هه‌فته‌دا له‌ سعودییه‌ كۆده‌بنه‌وه‌ و پاشان به‌ پلانێكه‌وه‌ دێنه‌وه‌ لایان". ئه‌م لێدوانه‌ی وه‌زیری ده‌ره‌وه‌ی ئه‌مریكا وه‌ك پاشه‌كشه‌یه‌ك ده‌بینرێت له‌باره‌ی پلانی چۆڵكردنی غه‌ززه‌ و ده‌ركردنی خه‌ڵكه‌كه‌ی كه‌ هه‌فته‌ی ڕابردوو تره‌مپ داوای كردبوو ..  
دۆناڵد تره‌مپ سەرۆکی ویلایەتە یەکگرتووەکانی ئەمریکا، چه‌ند جارێكی یەک لەسەر یەک و  له‌ماوه‌ی هه‌فته‌ی ڕابردوودا باسی له‌ پێویستی چۆڵكردنی كه‌رتی غه‌ززه‌ كردووه‌، داوای له‌ هه‌ریه‌كه‌ له‌ وڵاتانی میسر و ئوردن كرد كه‌ دانیشتوانی غه‌ززه‌ له‌ وڵاته‌كانیان وه‌ربگرن، هاوکات هه‌ڕه‌شه‌ی ئه‌وه‌شی كرد كه‌ ئه‌گه‌ر میسر و ئوردن ئه‌و كاره‌ نه‌كه‌ن ئه‌وا یارمه‌تییه‌ سه‌ربازی و مرۆییه‌كانی ئه‌مریكا بۆ وڵاته‌كانیان ده‌بڕێت . 
هاوكارییه‌ داراییه‌كانی ئه‌مریكا بۆ میسر و ئوردن له‌ ساڵی 2023 دا گه‌شتبووه‌ زیاتر له‌ 3.2 ملیار دۆلار، پشكی ئوردن له‌و هاوكاریانه‌ 1.72 ملیار دۆلار كه‌ بۆ به‌شی زۆری بۆ بواری مرۆیی ته‌رخان كرابوو، به‌ڵام به‌شی میسریش 1.45 ملیار دۆلار بووه‌ كه‌ به‌شی هه‌ره‌زۆر بۆ بواری سه‌ربازی ته‌رخان كراوه‌. 

غه‌ززه‌ گرێبه‌ستێكی خانووبه‌ره‌ نییه‌ تا ئەمریکا بەوجۆرە مامه‌ڵه‌ی له‌باره‌وه‌ بکات
سه‌ره‌ڕای ئه‌وه‌ش هه‌ردوو وڵاته‌كه‌ ڕه‌تیان كرده‌وه‌ به‌ پلانی تره‌مپ بۆ چۆلكردنی غه‌ززه‌ قایل بن، هه‌روه‌ك پلانه‌كه‌ی تره‌مپ ناڕه‌زایه‌تی ناوخۆیی ئه‌مریكی و ئه‌وروپی و عه‌ره‌بی لێكه‌وته‌وه‌. ئیمانوئێل ماكرۆنی سه‌رۆكی فه‌ڕه‌نساش ڕه‌خنه‌ی له‌ پلانه‌كه‌ی تره‌مپ بۆ چۆڵكردنی غه‌ززه‌ گرت و ڕیگەیاند غه‌ززه‌ گرێبه‌ستێكی خانووبه‌ره‌ نییه‌ تا ئەمریکا بەوجۆرە مامه‌ڵه‌ی له‌باره‌وه‌ بکات ..