چیرۆکی 'دوایین بڕگە' کە لەناو دەقی بانگەوازەکەدا نەبوو

ئیرادە میدیا

زانراوە، دوایین بڕگەی سەرنجڕاکێش کە لە دەقی بانگەوازەکەی ئۆجەلان نەبینرا و دواتر لەلایەن ئەندامی شاندی ئیمراڵی سری سورەیا ئۆندەر باسکرا، کە لە چوارچێوەی ڕێککەوتن لەگەڵ شاندی دەوڵەت ئامادەکراوە.

شاندی ئیمراڵی کە لە حەوت کەس پێکهاتبوون، دوای پاش دیدارەکەیان لە ئیمراڵی بانگەوازە مێژووییەکەی ئۆجەلانیان بۆ ڕای گشتی ڕاگەیاند. 

بەڵام دوایین تێبینی دوای بانگەوازەکە سەرنجی هەمووانی بەلای خۆیدا ڕاکێشا، ئەم ڕستەیە لەلایەن ئەندامی شاندی ئیمراڵیی دەم پارتی و جێگری سەرۆکی پەرلەمانی تورکیا سری سورەیا ئۆندەر بوو بە ناونیشانی "دوایین تێبینی ئیمراڵی" بڵاوکرایەوە، تێیدا تیشکخرایە سەر بەرپرسیارێتی دەوڵەت، سری سورەیا ئۆندەر لەگەڵ تێبینییەکەدا وتەیەکی ڕێبەری زیندانیکراوی  پارتی کرێکارانی کوردستان ئاشکرا کرد کە دەڵێت: "لەگەڵ پێشکەشکردنی ئەم دیدگایەدا، بێگومان بۆ ئەوەی بەشێوەی پراکتیکی چەک دابنرێت و پەکەکە خۆی هەڵبوەشێنێتەوە، پێویستە دان بە ڕەهەندی سیاسەتی دیموکراتیک و یاساییدا بنرێت".

ڕێککەوتن لەسەر دوایین بڕگە

یەکێک لە بابەتە سەرنجڕاکێشەکانی دوای وتارەکە ئەوە بوو، بۆچی ئەم بڕگەیە لەنێو ئەو دەقە مێژووییەدا جێی نەکرایەوە کە ئۆجەلان بە دەستی خۆی نووسیبووی.

بەگوێرەی زانیارییەکانی ئاژانسی میزۆپۆتامیایش، ئۆجەلان ئەم بڕگەیەی بە شاندەکە ڕاگەیاندووە و دووپاتی کردووەتەوە کە نووسینەکە لە 25 ی شوبات نووسراوە، بەڵام پاش دیدارەکە لەگەڵ بەرپرسانی دەوڵەت ڕێککەوتووە و ئەم بڕگەیە لە بانگەوازەکەدا جێی دەکرێتەوە.

ئەم بڕگەیە درێژکراوەی بانگەوازەکەیە و تۆمارکراوە

زانراوە، شاندەکە لە ئەنجامی پەیوەندی و دیدارە بەرفراوانەکانی لەگەڵ ڕابەری پەکەکە، لەسەر چۆنێتی فۆرمولەکردنی ئەم بڕگەیە ڕێککەوتوون، بەڵام بەهۆی درەنگکەوتنی گفتوگۆ لەگەڵ بەرپرسانی دەوڵەت و میکانیزمە پەیوەندیدارەکان و پرۆسەی بڵاوکردنەوە و هاوبەشکردن، ئەم بڕگەیە لە دەقی بانگەوازەکەدا جێی نەکراوەتەوە.

ئۆجەلان خۆی  ئەم زانیارییەی بۆ شاندەکە ئاشکرا کردووە و ڕایگەیاندووە ئەم بڕگەیە لەم بانگەوازەکەدا دەخوێنێتەوە

دواتر ئۆجەلان و شاندی ئیمراڵی چوونەتە بەردەم،کامێرا. ئۆجەلان  بەم  بڕگەیە کۆتایی بە بانگەوازە مێژووییەکەی هێناوەو
دوای پەیامە ڤیدیۆییە تۆمارکراوەکەش، ئۆجەلان دووپاتی کردووەتەوە ئەم بڕگەیە درێژەی بانگەوازەکەیەو ئۆجەلان داوای کردووە ئەم بڕگەیە لەو هۆڵەدا بخوێنرێتەوە کە بانگەوازەکەی تێدا ڕادەگەیەنرێت و تیشک دەخاتەسەر بەرپرسیارێتی دەوڵەت.