بافڵ تاڵەبانی و مەسرور بارزانی کۆبوونەوە

ناوەندی هەواڵ

بافڵ تاڵەبانی سەرۆکی یەکێتی و مەسرور  بارزانی سەرۆکی حکومەتی هەرێم لەسەر پێکهێنانی کابینەی 10ی حکومەت لە پیرمام کۆبوونەوە و سەرۆکی یەکێتیش ڕایگەیاند، کۆبوونەوەیەکی ئیجابی زۆرباشمان ئەنجامدا.

ئەمرۆ یەک شەممە 16ی ئازاری 2025، مەسرور بارزانی سەرۆکی حکومەتی هەرێم لە پیرمام، لەگەڵ بافڵ تاڵەبانی، سەرۆکی یەکێتی نیشتیمانی کوردستان لەسەر پرسی پێکهێنانی حکومەتی ئایندە کۆبوونەوە.

 لە کۆنگرەیەکی ڕۆژنامەوانیدا، بافڵ تاڵەبانی بەڕۆژنامەنووسانی ڕایگەیاند، لەگەڵ مەسرور بارزانی لەسەر چەند شتێکی ستراتیژی ڕێککەوتین کە باشە بۆ میللەتەکەمان.

ئاماژەی بەوەشدا، کۆبوونەوەکەمان زۆر باشبوو و بەردەوام دەبین و ئامانجمان ئەوەیە بەزوترین کات حکومەتێک دروستبکەین بۆ خزمەتی هاووڵاتیان.

هاوکات، مەسرور بارزانی، سەرۆکی حکومەتی هەرێمی کوردستان ڕایگەیاند، کۆبوونەوەی ئەرێنی و باشمان ئەنجامدا بۆ لێکنزیکبوونەوەی زیاتر و تاوتوێکردنی ئەو هەنگاوانەی بۆ خزمەتکردنی خەڵک دەنرێن.

وتیشی، هیوادارین بەو ڕۆحیەتەوە بگەینە ڕێککەوتنێک بۆ پێکهێنانی حکومەتێک کە خزمەتی هاووڵاتیان بکات.