عەلەوییەکان کافرن و لایانداوە دەبێت بگەڕێنەوە بۆ ئیسلام

نۆ ساڵ له‌مه‌وبه‌ر و له‌ 27 ی ئایاری 2015، كه‌ناڵی جه‌زیره‌ی قه‌ته‌ری چاوپێكه‌وتنێكی له‌گه‌ڵ "ئه‌بو محه‌مه‌د جۆلانی" ئه‌میری به‌ره‌ی نووسره‌- لقی ڕێكخراوی قاعیده‌ له‌ سوریا كه‌ ئێستا ناوی خۆی گۆڕیوه‌ بۆ‌ "ئه‌حمه‌د شه‌رع" و بووه‌ به‌ سه‌رۆكی ڕاگوزەری سوریا بڵاوكرده‌وه‌.
چاوپێکەوتنەکەی کەناڵی جەزیرە کە زیاترە له‌ 50 خوله‌ك و "ئه‌حمه‌د مه‌نسوور"ی ڕۆژنامەنوس بەرنامەکە پێشکەش دەکات، ئەحمەد شەرع تێیدا بە سەرداپۆشراوی قسە لەبارەی دیدگا و سەرەتای دامەزراندن و کارەکانی دەکات بە تایبەت کەلەو کاتەدا به‌ره‌ی نووسره‌ له‌ سه‌ره‌تای دامه‌زراندنیدا بوو، هاوکات دوای ساڵێک و له‌ ساڵی 2013 به‌یعه‌تی خۆیان بۆ ئه‌یمه‌ن زه‌واهیری سه‌رۆكی ڕێكخراوی تیرۆریستی ئه‌لقاعیده‌ دوپاتكردبوەوە .
جۆلانی له‌و چاوپێكه‌وتنه‌كه‌دا به‌ ڕوونی بیروباوه‌ڕی خۆیی له‌باره‌ی ئاینده‌ی مامه‌ڵه‌ی گروپه‌كه‌ی له‌گه‌ڵ پێكهاته‌كانی سوریا له‌وانه‌ عه‌له‌ویی و درووز و مه‌سیحییه‌كان و مافه‌كانی مرۆڤ ده‌خاته‌ ڕوو، بە بێ ئەوەی باسی کورد وەک پێکهاتەیەک بکەن . 
عه‌له‌وییه‌كان له‌ ئیسلام ده‌رچوون و به‌ موسڵمان دانانرێن
له‌سه‌ره‌تای دیدارەکەدا و سەبارەت بە عەلەوییەکانی ناوچەکە جۆلانی ده‌ڵێت، "گومانی تێدا نییه‌ كه‌ عه‌له‌وییه‌كان-نوسه‌یرییه‌كان كه‌ به‌شار ئه‌سه‌د یه‌كێكە له‌ ئه‌وان، تاوانی گه‌وره‌یان به‌رامبه‌ر ئه‌هلی سوننه‌ ئه‌نجامداوه‌، له‌وانه‌ بۆمبارانكردنیان به‌ به‌رمیله‌ پڕ له‌ ته‌قه‌مه‌نییه‌كان، بەڵام ئەوان  توانیان  شه‌ڕ له‌ ناوچه‌ سوننییه‌كانه‌وه‌ بگوازنه‌وه‌ بۆ نزیكی ناوچه‌ عه‌له‌وییه‌كان، به‌ڵام ئه‌وان لەو قۆناغەدا ئەوە لەبیردەکەن و ڕووبه‌ڕوویان نابنه‌وه .‌
جۆلانی لەبەرنامەکەدا دەڵێت "به‌ پێی لێدوانی زانایان و فوقه‌های ئیسلام (زانایانی سوننه‌) عه‌له‌وییه‌كان له‌ ئایینی خوا و ئیسلام ده‌رچوون و به‌ موسڵمان دانانرێن، ده‌بێت واز بێنن له‌و بابه‌تانەی كه‌ له‌ ئایینه‌كه‌یان واتە(ئیسلام) دووریخستوونه‌ته‌وه‌ و بگه‌ڕێنه‌وه‌ بۆ سەر دینی ئیسلام". 
جۆلانی لەدیدارەکەی نۆ ساڵ لەمەوپێشدا دەڵێت، سه‌ره‌ڕای ئه‌وه‌ش ئه‌وان عه‌له‌وییه‌كان به‌ ئامانج ناگرن و "له‌م قۆناغه‌دا" ته‌نیا شه‌ڕی ئه‌وانه‌ ده‌كه‌ن كه‌ شه‌ڕیان له‌گه‌ڵ ده‌كه‌ن، هه‌روه‌ك درووزه‌كان كه‌ شه‌ڕی ئه‌وان ناكه‌ن، ئه‌مانیش شه‌ڕیان ناكه‌ن.
له‌ ئاینده‌شدا ئه‌گه‌ر عه‌له‌وییه‌كان گوند به‌ گوند و شوێن به‌ شوێن هه‌ریه‌كه‌ و به‌ جیا ڕایبگه‌یه‌نن كه‌ ده‌ستبه‌رداری "به‌شار ئه‌سه‌د" بوون و هه‌ڵه‌ عه‌قائیدییه‌كانیان چاره‌سه‌ر كرد و بگه‌ڕێنه‌وه‌ بۆ سەر دینی ئیسلام، ئه‌وا سه‌ره‌ڕای ئه‌و برین و كوشتن و كوشتاره‌ی له‌ نێوانماندایه‌، له‌گه‌ڵیان ڕێك ده‌كه‌وین و چۆن خۆمان ده‌پارێزین، ئه‌وانیش ئاوا ده‌پارێزین. 

درووزه‌كانیش هه‌ڵه‌ی عه‌قائیدییان هه‌یه‌

محه‌مه‌د جۆلانی له‌باره‌ی درووزه‌كانه‌وه‌ ده‌ڵێت: "چه‌ند جارێك بانگخواز و په‌یامبه‌رمان بۆ ناردن و پێمان وتن ئه‌وان له‌ ڕووی بیروباوه‌ڕو عه‌قیده‌وه‌ چه‌ندین هه‌ڵه‌یان هه‌یه‌، سه‌ره‌ڕای ئه‌وه‌ی چه‌كیان به‌ڕوودا به‌رزنه‌كردوینه‌ته‌وه‌ ئێمه‌ش شه‌ڕمان له‌گه‌ڵ نه‌كردوون، به‌ڵام ئه‌و ڕه‌فتاره‌ لاده‌رانه‌یان له‌ ئیسلام له‌ كاتی خۆیدا به‌ پێی یاسای ئیسلام مامه‌ڵه‌یای له‌گه‌ڵدا ده‌كه‌ین، چونکە په‌رستگاو قه‌بر و مه‌زاره‌كان لای ئێمه‌ به‌ شیرك په‌یدا كردن بۆ خوا داده‌نرێت".

له‌باره‌ی مافی مرۆڤ و مافی پێكهاته‌كانه‌وه‌:

له‌ وه‌ڵامدانه‌وه‌ی پرسیاری پێشكه‌شكاره‌كه‌ی جه‌زیره‌دا له‌باره‌ی فره‌ نه‌ته‌وه‌یی و فره‌ ئایینی سوریا، جۆڵانی ده‌ڵێت، "ئێمه‌ به‌ پێی یاساو دەستووری ئیسلام مامه‌ڵه‌ ده‌كه‌ین، چونکە پێویستمان به‌ كه‌س
ئێمه‌ به‌ پێچه‌وانه‌ی بانگه‌شه‌كانی حزب الله ه‌وه‌ مه‌ترسی نیین بۆ لوبنان، به‌ڵكو مه‌ترسین بۆ سه‌ر حزب الله، به‌شار ئه‌سه‌د ده‌ڕوخێت به‌ ڕووخانیشی حزب الله كوتایی دێت".

له‌باره‌ی ئامانجی كۆتایشیانه‌وه‌ ده‌ڵێت: ئامانجی گروپه‌كه‌ی ئه‌وه‌یه‌ ده‌سه‌ڵات له‌ دیمه‌شق بگرنه‌ ده‌ست و به‌شار ئه‌سه‌د له‌سه‌ر كار لابه‌رن".

له‌باره‌ی پرۆسه‌ی هه‌ڵبژاردن، په‌رله‌مان، ئیخوان موسلمین، جیهاد‌

جۆلانی پێی وایه‌ بۆ ئه‌وان پێویسته‌ لێكۆڵینه‌وه‌ له‌ هه‌موو گروپه‌ ئیسلامییه‌كان بكه‌ن تا بزانن باشییه‌كانیان چییه‌ و هه‌ڵه‌كانیان چییه‌ و له‌ چیدا له‌ ئیسلام لایانداوه‌، ئه‌وان وه‌ك قاعیده‌ گروپی جیهادین، گرنگی به‌ جیهاد ده‌ده‌ن له‌ پێناوی دامه‌زراندی حوكمی شه‌ریعه‌دا به‌ پێچه‌وانه‌ی ئیخوان موسلمینه‌وه‌ كه‌ به‌ به‌شداریكردنیان له‌ هه‌ڵبژاردنه‌كاندا له‌ ئیسلام لایان داوه‌، ئه‌وان بڕوایان به‌ دیموكراتیه‌ت و هه‌ڵبژاردن نییه‌ و ته‌نیا به‌ كتێبی خوا و فه‌رمووده‌ مامه‌ڵه‌ ده‌كه‌ن و حوكمی شه‌ریعه‌ داده‌مه‌زرێنن.

له‌باره‌ی ئیخوان موسلمینی میسر و محه‌مه‌د مورسی سه‌رۆكی له‌سه‌ركار لادراوی میسر وتی، ته‌ماشای محه‌مه‌د مورسی بكه‌ن له‌ سینا شه‌ڕی ئێمه‌ی كرد، (مه‌به‌ستی شه‌ڕكردن بوو له‌گه‌ڵ فه‌رعی قاعیده‌ له‌ میسر له‌ نیمچه‌ دورگه‌ی سینا)، هه‌روه‌ها واژۆی له‌سه‌ر كامپ دیڤید كرد، زۆر له‌وه‌ زیاتر كه‌ ڕۆژئاوا لێی داوا ده‌كرد تێكه‌ڵی پرۆسه‌ی سیاسی و هه‌ڵبژاردن بوو، له‌ بری كاركردن به‌ شه‌رعی خوا به‌ هه‌ڵبژاردن و په‌رله‌مان و یاساكانی نه‌ته‌وه‌یه‌كگرتووه‌كان ڕازی بوو، له‌ كۆتایشدا ئه‌وه‌ هه‌ر ئه‌مریكا بوو لێی هه‌ڵگه‌ڕایه‌وه‌ نه‌ك سیسی كه‌ ئامرازێكی ئه‌مریكایه‌، پێویسته‌ ئیخوان موسڵمین بگه‌ڕێنه‌وه‌ بۆ ڕێگه‌ ڕاسته‌كه‌ و چه‌ك هه‌ڵبگرن و جیهاد بكه‌ن.
 ئاشتیخوازی كۆتایی پێهێنان، ئه‌گه‌ر ئێمه‌ له‌ سوریا وه‌ك ئه‌وانمان بكردایه‌ و خۆپیشاندانی ئاشتیخوازانه‌مان بكردایه‌ ئێستا هه‌مووان له‌ زیندان بووین و نه‌ ناوچه‌مان ئازاد ده‌كرد و نه‌ ده‌ستكه‌وتمان ده‌بوو نه‌ ده‌مانتوانی ئه‌م چاوپێكه‌وتنه‌ش بكه‌ین
چاوپێكه‌وتنه‌کەی ئه‌وكاتی كه‌ناڵی جه‌زیره‌ كاردانه‌وه و ڕه‌خنه‌یه‌كی زۆری به‌دوای خۆیدا هێنا و هه‌ندێك پێیان وابوو کەناڵەکە بەئەنجامدانی ئەو چاوپێکەوتنە بووەته‌ بڵندگۆیه‌ك بۆ لێدوانی تیرۆریسته‌كان و جوانكردنی ڕوخساریان