هەڤاڵ ئەبوبەكر: هەر كات لایەنەكان رێككەوتن و حکومەت پێکهات دەستبەرداری پۆستەكەم دەبم

ئیرادە میدیا

د. هەڤاڵ ئەبوبەكر، پارێزگاری سلێمانی ئەمڕۆ دووشەممە24ی ئازاری 2025، ڕایگەیاند، هەر كات حكومەت پێكهێنراو لانەكان گەیشتنە رێككەوتن، ئەو ئامادەیە دەست لە پۆستەكەی هەڵبگرێت.

د. هەڤاڵ ئەبوبەكر، پارێزگاری سلێمانی لەبارەی گۆڕانكاری له‌ پۆستی پارێزگاری سلێمانی، بەڕۆژنامەنووسانی وت، "ئێمه‌ له‌زوه‌وه‌ وتومانه‌ كه‌ سێ جار داوای به‌خشینمان له‌ پۆسته‌كه‌مان كردوه‌ و له‌گه‌ڵ ئه‌وه‌دا نین كه‌ پۆستێكی چوار ساڵ جارێك زیاتر به‌رده‌وام بێت".

"یاسای ئه‌نجومه‌نی پارێزگاكان رێگه‌ی به‌ ئێمه‌داوه‌ كه‌ ببین به‌ پارێزگار و ده‌بێت له‌ پۆستی پارێزگار بمێنینه‌وه‌ تا هه‌ڵبژاردنی ئه‌نجومه‌نی پارێزگاكان ده‌كرێت و پارێزگار هه‌ڵبژێردرێت پارێزگاری سلێمانی وای وت".

وتیشی"به‌دیار ئه‌و رێكاره‌ یاساییه‌وه‌ نه‌وه‌ستاوین به‌ڵكو به‌لۆژیك كار له‌سه‌ر ئه‌و بابه‌ته‌ ده‌كەین و هه‌ر كاتێك حكومه‌ت پێكهێنرا و ئه‌و لایه‌نانه‌ گه‌یشتنه‌ رێككه‌وتن چی گۆڕان و یه‌كێتی نیشتیمانی كوردستان و لایه‌نی سێیه‌میش كه‌ پارتی دیموكراتی كوردستانه‌ كه‌س له‌ ئێمه‌ ئاسانتر نییه‌ بۆ ئه‌وه‌ی ده‌ستبه‌رداری پۆسته‌كه‌مان بین".