سودانی و تۆم باراك تاوتوێی سه‌قامگیری و ئاسایشی سوریا ده‌كه‌ن

ناوەندی هەواڵ

محه‌مه‌د شیاع سودانی، سه‌رۆك وه‌زیرانی عێراق و تۆم باراك، نێرده‌ی تایبه‌تی سه‌رۆكی ئه‌مریكا بۆ سوریا كۆبونه‌وه‌.

به‌پێی ڕاگەیەندراوی نوسینگەکەی  سودانی له‌ كۆبونه‌وه‌كه‌دا تاوتوێی به‌رده‌وامی پاڵپشتی عێراقیان بۆ سه‌قامگیری و ئاسایشی سوریا كردوه‌.

  نوسینگه‌ی، ڕاگەیاندنی سەرۆک وەزیرانی عێراق بڵاویکردەوە، ئه‌مڕۆ یه‌كشه‌ممه‌، محەمەد شیاع سودانی، سه‌رۆك وه‌زیرانی عێراق  لەگەڵ تۆم باراك، نێردەی تایبەتی سەرۆکی ئەمریکا بۆ سوریا کۆبووەتەوە.

به‌گوێره‌ی راگه‌یه‌ندراوه‌كه‌، له‌ كۆبونه‌وه‌ی نێوانیاندا، باسیان لە چۆنێتی ئەو پرۆسەیە کرد کە عێراق لە ڕێگەیەوە بتوانێت بەردەوام بێت لە پاڵپشتیکردنی سەقامگیری و ئاسایش و خۆشگوزەرانی و بوژانەوەی ئابوریی سوریا، به‌شێوه‌یه‌ك كه هاوكات‌ ببێته‌ مایه‌ی به‌هێزكردنی سەقامگیری و خۆشگوزەرانی عێراق.

هه‌ر لە كۆبونه‌وه‌كه‌دا ئاڵوگۆڕی بیروڕا كراوە دەرباره‌ی رێگریکردن لە هەر پەرەسەندنێکی زیاتر لە ناوچەکەدا لەگەڵ پاڵپشتیکردنی ڕێڕەوی دیپلۆماسی بۆ چارەسەرکردنی ناکۆکییەکان و ئه‌وه‌شی كه‌ ناوچەکە بخرێته‌ سەر رێی هاریکاری و گەشەی ئابوری و سەقامگیری درێژخایەن.

به‌پێی راگه‌یه‌ندراوه‌كه‌ی نوسینگەی سودانی، تۆم باراک جەختی لەو ڕۆڵە بنیاتنەر و گرنگە کردەوە کردووەتەوە، کە عێراق دەتوانێت بیگێڕێت بۆ به‌دیهێنانی  ئامانجه‌ هاوبه‌شانه‌کان.