ھێڵەکانی ئینتەرنێت له‌هه‌رێم ڕاده‌گیرێن

ناوەندی هەواڵ

بەهۆى دەستپێکردنى ئەنجامدانى خولى دووەمى تاقیکردنەوەکانى قۆناغى 12ى ئامادەیى لە سەرەتاى هەفتەى داهاتوو هێڵەكانی ئینتەرنێت ڕادەگیرێن.

مامۆستا عومەر، جێگری بەڕێوەبەری گشتی پەروەردەی سلێمانى  ڕایگەیاند، بڕیارە ڕۆژى شەممە 17-8-2024، تاقیکردنەوەى خولى دووەمى قۆناغى 12ى ئامادەیى دەستپێبکات، تاقیكردنەوەكانیش وەك خوولی یەكەم نابێت، بەڵكو ڕۆژێك نا ڕۆژێك ئەنجام دەدرێن.

بەوتەى سامان سیوەیلی، وتەبێژی وەزارەتی پەروەردەی هەرێم تاقیكردنەوەكان بەپێی ئەو خشتەیەی لەلایەن وەزارەتەوە دیاری كراوە ئەنجام دەدرێت و بۆ بڕینی هێڵەكانی ئینتەرنێت، بەڕێوەبەرایەتی گشتی پەروەردەكان بڕیار دەدەن و لەكاتی تاقیكردنەوەكاندا بۆ ٢2كاتژمێر هێڵەكانی ئینتەرنێت ڕادەگیرێن.

راگرتنى هێڵەکانى ئینتەرنێت، بەمەبەستی رێگریكردن لەگزیكردن (غش) یان هەر هەوڵێكی دیكەی بۆ دەستكەوتنی پرسیاری تاقیكردنەوەكان، لەگەڵ ئەوەشدا ساڵانە ژمارەیەک لە مامۆستا و خوێندکاران بەهۆى دزە پێکردنى پرسیارەکان دووچارى سزا دەبنەوە.