ئۆزگور ئامەد بۆ The Amargi :سەرکەوتنی ئاشتی بەوە دەپێورێت کە چ جۆرە یاسایەک، دەستەبەرییەک و فەرهەنگێکی کۆمەڵایەتی بۆ پێشوازیکردنیان ئامادەیە

نوسەر و ڕۆژنامەنوس ئۆزگور ئامەد لە نوسینێکدا کە بۆ ماڵپەڕی The Amargy نوسیویەتی لەبارەی پرۆسەی ئاشتی لە تورکیا و باکوری کوردستان دەڵێت : پڕۆسەی گەڕانەوە و سەرکەوتنی ئاشتی، پرسێکی زۆر لەوە قووڵترە کە تەنیا بە ژمارەی ئەوانەی لە شاخەکان دێنە خوارەوە بپێورێت. وەک چۆن تاقیکردنەوەی ڕاستەقینەی «ئۆدیسیۆس» تەنیا ڕزگاربوون لە جەنگ و زریانەکان نەبوو، بەڵکو پاراستنی «جەوهەری مرۆڤبوون» بوو، گەڕانەوەی ڕاستەقینەی ئەمڕۆش لە هەمان شوێنەوە دەست پێدەکات.
ئەو نوسەرە پێیوایە  پێ خستنە سەر خاک و تێپەڕین بەناو دەرگاکاندا تەنیا هەنگاوی یەکەمە؛ گەڕانەوە کاتێک دەبێتە ڕاستی کە کۆمەڵگە بە دەنگێکی بەرز بە گەڕاوەکان بڵێت: " لێرە، هێشتا شوێنێک بۆ ژیانی ئێوە ماوە"
 ئۆزگور لە بەشێکی دیکەی تێڕوانیەکەیدا دەڵێت "سەرکەوتنی ئاشتی بەوە دەپێورێت کە چ جۆرە یاسایەک، دەستەبەرییەک و فەرهەنگێکی کۆمەڵایەتی بۆ پێشوازیکردنیان ئامادەیە. ئایا دەتوانن باوەش بە خێزانەکانیاندا بکەن، ئازادانە بەشداریی سیاسی و کۆمەڵایەتی بکەن، و وەک خودی خۆیان بژین ؟
  گەڕانەوە کاتێک مانای تەواو دەبەخشێت کە دان بە برینە کۆنەکاندا بنرێت و شکۆمەندیی مرۆڤەکان بپارێزرێت .

تەواوی تێڕوانینەکەی ئۆزگور ئامەد لەم بەستەرەوە ببینە 

https://erada.media/Article_Detail.aspx?authorid=125&Articleid=341