سێ ژن وەک بەتەمەنترین هاوڵاتى عێراقی لە پرۆسەی سەرژمێری گشتیدا تۆمارکراون

ناوەندی هەواڵ

سێ هاوڵاتى  لە عێراق و هەرێمى کوردستان دانیشتووى پارێزگاکانى سلێمانى و نەینەوا و سەڵاحەدین وەک بەتەمەنترین هاوڵاتى عێراقى لە پرۆسەى سەرژمێری گشتی ساڵی 2024، تۆمارکراون کە هەر سێکیان ژنن .

بەپێى ئەو زانیارییانەى لەلایەن تیمەکانى سەرژمێرییەوە تۆمارکراون، ژنێکى خەڵکى قەزاى تەلەعفەرى سەربە پارێزگاى نەینەوا بە ناوى عەمشەلەدایکبوى ساڵى 1902 وە و ئێستا تەمەنى 122 ساڵە وەک بەتەمەنترین هاوڵاتى عێراقى لە پرۆسەى سەرژمێریدا تۆمارکرا.

 شوکریە ئەحمەد کە دانیشتوى قەزاى دوجەیلى سەر بە پارێزگاى سەڵاحەدینە وەک دووەم بەتەمەنترین هاوڵاتى عێراقى تۆمارکراوە کە لە دایکبوى ساڵى 1905 و تەمەنى 119 ساڵە و شەوى رابردو زانیارییەکانى پێشکەشى بژمێرەکان کردوە و ناوى خۆى لەپرۆسەى سەرژمێرى تۆمار کردوە.

هاوکات  یەکیک لە بژمێرەکان بەناوی یوسف ئەحمەد، وێنەیەکی خۆی لەگەڵ  ژنێک بڵاوکردوەتەوە و نوسیویەتی ئەمڕۆ لە کاتی سەرژمێری لە خزمەت ژنیکدا بوین، لە گوندی کانی کەوەی کۆن، کە لەدایکبوی ساڵی (1919)یە و 105 ساڵی تێپەڕاندووە.

 ئەوژنەی کە یوسف ئەحمەد وینەکەی بلاوکردووەتەوە دانیشتووى گوندى کانى کەوەى کۆن لە سنورى قەزاى سەیدسادق بەناوى تەڵیعە لە دایکبوى ساڵى 1919 یەو تەمەنى 105 ساڵە وەک یەکێک بە تەمەنترین هاوڵاتی عێراق و هەرێمى کوردستان تۆمارکراوە.