هەسەدە كۆنترۆڵكردنی حەوت گوندی ڕاگەیاند

ناوەندی هەواڵ

شەوی ڕابردوو هەسەدە ئۆپەراسیۆنێكی بۆ كۆنترۆڵكردنی حەوت گوندی سنوری دێرەزور دەستپێكرد، بەیانی ئەمڕۆ كۆنترۆڵكردنی ئەو گوندانەی ڕاگەیاند. 
هێزەكانی سووریای دیموكرات (هەسەدە) رایگەیاند، حەوت گوندیان لە سنووری دێرەزوور كۆنترۆڵكردووە دوای ئەوەی دانیشتووانی ئەو گوندانە داوای بەهاناوەچوونیان كردبوو.
رۆژی سێشەممە 03-12-2024 فەرماندەیی ئەنجوومەنی سەربازیی دێرەزوور رایگەیاند، هێزەكانیان چوونەتە چەند گوندێك كە كەوتوونەتە ناوچەی بۆشایی ئەمنی لە دێرەزوور، واتە هیچ هێزێكی سەربازی و ئەمنییان لێ نەبووە.
هەسەدە دەڵێت، بەهۆی ئەو دۆخە تازەیەی لە سووریا هاتووەتە ئاراوە، مەترسیی هەبووە، داعش دەست بەسەر ئەو گوندانەدا بگرێت، بۆیە هێزیان بردووە بۆ ئەو گوندانە.
ئەو گوندانەی هەسەدە كۆنتڕۆڵی كردوون، پێكدێت لە ساڵحیە، تابیە، حەتڵە، خەشبە، مڕاد، مەزلووم، حوسەینە.