دژی نەبوونی خزمەتگوزاریی ڕێگای سەرەکی ئیدارەی ڕاپەڕین - سلێمانی داخرا

هاوڵاتییانی بنگرد ڕێگای سەرەکی ئیدارەی ڕاپەڕین-سلێمانیان داخست، لە دژی کەمی کارەبا، نەبوونی خزمەتگەزاریی و پشتگوێخستنی شارەدێکەیان لەلایەن حکومەتەوە، دەڵێن، رێگاکە ناکەینەوە تا جێبەجێکردنى داواکاریەکانمان.

ئەمڕۆ دووشەممە 13-1-2025،  دانیشتوانی  بنگردی سەر بە قەزای دوکان لە پارێزگای سلێمانی، لە دژی کەمی کارەبا و نەبوومی خزمەتگوزاریی لە ناوچەکەیان گردبوونەوەیەکی ناڕەزایەتییان ئەنجامدا و بە ڕۆکردنی خۆڵ لەسەر شەقامی سەرەکی ئیدارەی ڕاپەڕین-سلێمانی شەقامەکەیان داخست و هیچ ڕێگایەکی هاتوو چۆکردن لە نێوان ئیدارەی ڕاپەڕین و پارێزگای سلێمانیدا نییە.

وەک خۆیان دەڵێن، تا جێبەجێکردنی داواکارییەکانیان لە گردبوونەوە و داخستنى رێگاکە بەردەوام دەبن.

گردبونەوەى هاوڵاتیانى بنگرد لەکاتێکدایە، ماوەی چەند ڕۆژێکە لەلایەن هاوڵاتییانی خەلەکانەوە لە دژی نەبوونی خزمەتگوزاریی و کەمتەرخەمی حکومەت بە تەواوی داخراوە.