کۆنفرانسی یەکڕیزی و یەکهەڵوێستی کوردی لەڕۆژئاوا دەستی پێ کرد

ناوەندی هەواڵ

کۆنفرانسی یەکڕیزی و یەکهەڵوێستی کورد لە ڕۆژئاوای کوردستان بە بەشداری زیاتر لە 400 نوێنەر لە پارکی ئازادی شاری قامیشلۆ دەستی پێ کرد. 

لە ڕۆژئاوا و باکوور و باشوور و ناوچەکانی دیکەی سوریا نوێنەری پارت و هێزە کوردی و کوردستانییەکان بەشدارن.

بەپێی کارنامەی کۆنفرانسەکە،پاش خولەکێک ڕێزگرتن لە شەهیدان، مەزلوم عەبدی، فەرماندەی گشتی هێزەکانی سوریای دیموکرات، مەزڵوم وتارێک پێشکەش دەکات و نامەکان بۆ کۆنفرانسەکە دەخوێنرێنەوە.

دواتر بەرپرسی دۆسیەی سوریای دیوانی سەرۆکایەتی هەرێمی کوردستان، د. حەمید دەربەندی، وتەبێژی هاوپەیمانی نێونەتەوەیی سکۆت بۆڵس، وتەبێژانی یەنەکە و دەم پارتی و کەنەکە قسەیان دەبێت.

پاشان دەقی ڕێککەوتنی نێوان هێز و پارتە کوردییەکانی باکوور و ڕۆژهەڵاتی سوریا دەخوێنرێتەوە و تاوتوێ دەکرێت. 

دوای گفتوگۆکان، دوایین فۆرمی ڕێککەوتنەکە پەسەند دەکرێت، کۆنفرانسەکە بە ئەنجامنامەیەک کۆتایی دێت.