دەستەی دەسپاکی ژمارەیەک پلەباڵا بۆ لێکۆڵینەوە بانگهێشت دەکات

دەستەی دەسپاکی هەرێمی کوردستان پلەباڵاکان بەشێک لە بەڕێوەبەرە گشتیەکانی خانەنیشین و راوێژکار بانگهێشت دەکات بۆ لێکۆڵینەوە لە سەروەت و سامانەکانیان.

راگەیاندنی دەستەی دەسپاکی هەرێمی کوردستان لە راگەیەندراوێکدا بڵاویکردەوە،  دەستەی دەسپاکی هەرێمی کوردستان پاڵپشت بە مادەی (14) لە رێنماییەکانی ئاشکراکردنی ئەستۆی دارایی ژمارە (2)ی ساڵی 2016، بەشی ئاشکراکردنی بەرژەوەندییە داراییەکانی دەستەی دەسپاکی لە هەرێمی کوردستان، ژمارەیەک پلە باڵا بۆ لێکۆڵینەوە لە سەروەت و سامانیان بانگێشت دەکات.

لە راگەیەندراوەکەدا هاتووەن لێکۆڵینەوەکە تایبەت دەبێت بەو سەروەت و سامانەی کە لە پڕکردنەوەی فۆڕمی ئاشکراکردنی ئەستۆی دارایی نەیانووسیوە و پلەباڵاکان بەشێک لە بەڕێوەبەرە گشتیەکانی خانەنیشین و راوێژکار و چەندان پلەی تری تێدایە.