هۆکارى کشانەوەى دوو ئەندامەکەى ئەنجومەنى پارێزگاى کەرکوک ئاشکرادەکرێت

بەهۆى جێبەجێنەکردنى رێککەوتنى یەکێتیى نیشتمانیى کوردستان و حیزبى قیادە و هاوپەیمانیى عرووبە و بابلیۆن ئەمڕۆ دوو ئەندامى پێکهاتەى عەرەبی کشانەوەى خۆیان راگەیاند.

لە کۆنگرەیەکى رۆژنامەوانیدا هەریەکە لە زاهر ئەنوەر لە هاوپەیمانیی عرووبە و رەعد ساڵح لە حیزبى قیادە کە دوو ئەندامە دەستلەکارکێشاوەکەن رایانگەیاند،"لە پاش زیاتر لە نۆمانگ لە پێکهێنانى ئەنجوومەنى پارێزگاى کەرکوک هیچ جددییەتێکمان نەبینى لە جێبەجێکردنى بەندەکانى ئەو رێککەوتنەى کە حکومەتى خۆجێیی کەرکوکى لەسەر پێکهات، بەتایبەت ئازادکردنى بێتاوانەکان، بۆیە بڕیارمانداوە لەو هاوپەیمانییە بکشێینەوە، کە کراوەتە بنەڕەتى پێکهێنانى حکومەتى خۆجێی کەرکوک".

 وەک خۆیان ئاماژەى بۆدەکەن، لەناو ئەنجوومەنى پارێزگاى کەرکوک لەکارکردن بەردەوامدەبین و داوا لەو ئەندامانەى ئەنجوومەنى پارێزگا دەکەین، کە بایکۆتى کۆبوونەوەکانیان کردووە بگەڕێنەوە ئەنجوومەن.