ده‌زگاى ئاسایش وه‌ڵامى حه‌شدى شه‌عبى ده‌داته‌وه‌

دەزگای ئاسایش هەرێم هەواڵی دەستگیرکردنی بارزگانێکی ماددەی هۆشبەر لەلایەن هێزەکانی حەشدی شەعبی لەسلێمانی ڕەتدەکاتەوەو ده‌ڵێت:"ئه‌و بازرگانه‌ى حه‌شد باسیده‌كات، ئێمه‌و به‌ڕێوه‌به‌رایه‌تى نه‌هێشتنى ماده‌ هۆشبه‌ره‌كانى كه‌ركوك له‌سلێمانى ده‌ستگیرمان كردووه‌".

حه‌شدى شه‌عبى ڕاگه‌یه‌نراوێكى بڵاوكردووه‌ته‌وه‌و نووسیویه‌تى، "له‌ئۆپه‌راسیۆنێكدا توانیویانه‌ بچنه‌ سلێمانى‌و بازرگانێكى مادده‌ى هۆشبه‌ر ده‌ستگیربكه‌ن".

دەزگای ئاسایشى هه‌رێم ڕاگه‌یه‌نراوێكى بڵاوكردووه‌ته‌وه‌و ڕایده‌گه‌یه‌نێت، "ڕۆژى 19ى ئه‌م مانگه‌، بەڕێوەبەرایەتی گشتیی نەهێشتنی ماددە هۆشبەرەکانی دەزگای ئاسایشی هەرێم، بەهەماهەنگی تیمێکی بەڕێوەبەرایەتی ماددە هۆشبەرەکانی کەرکوک کە پێکهاتبوون لەبەڕێوەبەری بەڕێوەبەرایەتی ناوبراوو سێ ئەفسەری هەمان بەڕێوەبەرایەتی، بەسەرکەوتوانە توانرا بازرگانێکی ماددەی هۆشبەر له‌سلێمانى دەستگیربکەن‌و دەستبگرن بەسەر بڕی سێ کیلۆگرام حەشیش".

ده‌زگاكه‌ ده‌ڵێت، "لەئێستادا تۆمەتبار بەبڕیاری دادوەر بەماددەی 25 لەیاسای بەرەنگاربوونەوەی ماددە هۆشبەرەکان‌و کارتێکەرە عەقڵییەکان لەگرتووخانەی دەزگای ئاسایش لەشاری سلێمانی ڕاگیراوەو لێکۆڵینەوە لەدۆسیەکەی بەردەوامە".

دەزگای ئاسایش جه‌ختده‌كاته‌وه‌، "ئەو تۆمەتبارە بەهیچ شێوەیەک لەلایەن هێزەکانی حەشدی شەعبییەوە دەستگیرنەکراوە".