ژمارەی ئەو که‌سانەی بۆ پۆستی سه‌رۆك كۆمار كاندیدن گەیشتە 81 کەس

ئیرادە میدیا

تا ئێستا 81 كه‌س خۆیان بۆ پۆستی سه‌رۆك كۆمار كاندید كردوه‌و ئه‌وه‌شی پشتڕاست كرده‌وه‌‌.

لەپارتی دیموکراتی کوردستان، نه‌وزاد هادی، ئه‌ندامی مه‌كته‌بی سیاسی  فواد حسێن، خۆی بۆ وه‌رگرتنی پۆسته‌كه‌ كاندید كردوه‌.

 پاشنیوه‌ڕۆی ئه‌مڕۆ دوشه‌ممه‌، ده‌رگای خۆكاندیدكردن بۆ پۆستی سه‌رۆك كۆماری عێراق داخرا، کۆی گشتیی كاندیدانی پۆسته‌كه‌ گەیشتوەتە 81 کەس.

هه‌ر ئه‌مڕۆ یه‌كێتی نیشتمانی كوردستان رایگه‌یاند، كاندیدی حزبه‌كه‌یان بۆ پۆستی سه‌رۆك كۆمار، نزار ئامێدییه‌.

هه‌روه‌ها د. موسه‌نا ئه‌مین، په‌رله‌مانتاری یه‌كگرتو خۆی بۆ پۆسته‌كه‌ كاندید كردوه‌، جگه‌ له‌ یه‌كگرتو، لایه‌نه‌ ئۆپۆزسیۆنه‌كانی ره‌وتی هه‌ڵوێست و كۆمه‌ڵی دادگه‌ری پشتیوانی خۆیان بۆ د. موسه‌نا راگه‌یاندوه‌و به‌ كاندیدی خۆیان ناویان بردوه‌.

جگه‌ له‌وانه‌ش د. له‌تیف ره‌شید، سه‌رۆك كۆماری ئێستای عێراق جارێكی دیكه‌ خۆی بۆ به‌ده‌ستهێنانی پۆسته‌كه‌ كاندید كردۆته‌وه‌، هه‌روه‌ها مه‌لا به‌ختیاریش، ئه‌مڕۆ كاندیدكردنی خۆی بۆ پۆسته‌كه‌ پشتڕاستكرده‌وه‌.‌

جێگای ئاماژە بۆکردنە بەشێکی زۆر لەو کەسانەی خۆیان کاندید کردووە، پێشتر لە ڕێزەکانی یەکێتی نیشتمانی کوردستان پلەو پۆستی باڵایان هەبووەو ئێستا وەک سەربەخۆ ناوی خۆیان تۆمارکردووە.