ئێران پایته‌ختى وڵاتەکەی ده‌گوازێته‌وه‌

ناوەندی هەواڵ

مەسعوود پزیشکیان سەرۆکی ئێران ئاشکرایدەکات، جێگری یەکەمی خۆی راسپاردووە، تا پلانێک بۆ گواستنەوەی پایتەختی ئێران ئامادە بکات، پزیشکیان پێی وایە لە داهاتوودا ئێران ڕووبەڕووی کێشەی ژینگەیی و زۆر گرفتی دیکە دەبێتەوە.

مەسعود پزیشكیان لەبارەی ناوەڕۆكی كۆبونەوەی لەگەڵ کابینەی حکومەتەکەی بۆ میدیاكانی ئێرانی وتووە، محەمەد رەزا عارفی جێگری یەکەمم ڕاسپاردووە، پلانێک بۆ گواستنەوەی پایتەختی وڵاتەکەمان ئامادە بکات، لەبەر ئەوەی چیتر ناتوانین ئەو پرسە دوا بخەین، چونکە لە داهاتوودا ئێران ڕووبەڕووی کێشەی ژینگەیی و زۆر گرفتی دیکە دەبێتەوە.

مەسعوود پزیشكیان لە سەرەتای کۆبوونەوە و دەستبەکار بوونی و بوونی بەسەرۆکی ئێران ڕایگه‌یاندبوو، زۆر پێویستە پایتەختی ئێران بۆ کەناراوەکانی "کەنداو" بگوازرێتەوە، چونکە تاران گرفتاری چەندین کێشەیە.