وەزارەتی دارایی فۆرمی درێژکردنەوەی تەمەنی خانەنشینی بڵاوکردەوە

ناوەندی هەواڵ

وەزارەتی دارایی هەرێمی کوردستان ڕایگەیاند، ئەو فەرمانبەرانەی تەمەنی یاساییان تاواکردووە، بەڵام خاوەنی شەهیدی پلە یەک و پلە دوون، لە خزمەت بەردەوام دەبن.

ئەمڕۆ چوارشەممە، وەزارەتی دارایی هەرێمی کوردستان لەڕاگەیەندراوێکدا بڵاویکردەوە، ئەو فەرمانبەرانەی تەمەنی یاساییان تاواکردووە، بەڵام خاوەنی شەهیدی پلە یەک و پلە دوون، لە خزمەت بەردەوام دەبن  هاوکات داواشی لەو فەرانبەرانە کردووە کە تا سبەینێ فۆرمەکە پڕ بکەنەوە بۆ ئەوەی ڕەوانەی وەزارەتی دارایی عێراق بکرێت.

دەقی ڕاگەیەندراوەکەی وەزارەتی دارایی بەم شێوەیەیە: 

لەسەر بنەمای جێبەجێکردنی یاسای خانەنشینی یەکگرتووی عێراق ژمارە (٩)ی ساڵی ٢٠١٤ ، و ئاماژە بە فەرمانی  سەرۆكایەتی ئەنجومەنی وەزیران ژمارە (١٩١) لە ڕێكەوتی ( ٢٠٢٥/١/١٥ ) بڕگەی سێیەم لە خاڵی (٢) هاتووە ئەو فەرمانبەرانەی تەمەنی یاساییان تەواو كردووە و بەڵام خاوەنی شەهیدی پلە یەك و پلە دوون پێویستە لەڕۆژی چوارشەممە ڕێكەوتی ( ٢٠٢٥/١/٢٢ ) تا کاتژمێر ( ٢ )ی ڕۆژی پێنج شەممە ( ٢٠٢٥/١/٢٣ ) ئەم فۆڕمەی خوارەوە پڕ بکەنەوە تا داتاکانیان ڕەوانەی وەزارەتی دارایی حکومەتی فیدراڵ بکرێت ، بۆ ئەنجامدانی کاری پێویست و بەردەوام بونیان لەخزمەت.   

https://forms.gle/YQHfnLc2hPoKioEy5              

‏https://forms.gle/YQHfnLc2hPoKioEy5