لیستی مووچەی مانگی نیسان ڕادەستی وەزارەتی دارایی عێراق کرا

وەزارەتى دارایى و ئابورى هەرێم رایگەیاند،ئەمڕۆ لیستى مووچەی مانگی نیسانی فەرمانبەران و مووچەخۆرانی هەرێمی کوردستان رادەستى  حکومەتى عێراق کرا.

وەزارەتى دارایى و ئابورى هەریم لە راگەیەندراوێکدا بڵاویکردەوە، ئەمڕۆ سێشەممە  لیستی مووچەی مانگی نیسانی فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕادەستی فەرمانگەی ژمێریاری وەزارەتی دارایی حکومەتی فیدراڵ کرا. 

لە راگەیەندراوەکەدا هاتووە، ڕۆژی یەک شەممە 20ى ئام مانگە  ڕاپۆرتی تەرازووی پێداچوونەوەی مانگی ئازار ( میزان المراجعه‌ ) و ڕاپۆرتی کۆتایی ساڵی 2024  ( الحسابات الختامیه‌ ) لەلایەن بەڕێوبەرایەتی گشتی ژمێرکاری وەزارەتی دارایی و ئابوورییەوە بۆ فەرمانگەی ژمێریاری وەزارەتی دارایی حکومەتی فیدراڵ نێردراوە،  کە بڕەکەی 48 ملیار و 205 ملیۆن و 765 هەزار دینارە.

ئەوە لەکاتێکدایەن تا ئێستا دیار نییە وەزارەتى دارایى عێراق کێشە بۆ ئەو لیستە دروست ناکات و تێبینى لەسەر دەبێت یاخود دواى گەیشتنى لیستەکە راستەوخۆى پارە بۆ مووچەى هەرێم دەنێرێت.