باوكى موشه‌ك‌و دكتۆر میكرۆب.. دوو هاوسه‌ره‌ نزیكه‌كه‌ له‌سه‌دام حسێن

شەوی ڕابردوو مردنی عامر محەممەد ڕەشید، وەزیری پێشوتری نەوتی عێراق‌و یەکێک لەڕاوێژکارە دیارەکانی سەدام حوسێن، كۆچى دوایى كرد...عامر محەممەد ڕەشید ساڵی 1939 لەبەغدا لەدایکبوەو بڕوانامەی دکتۆرای لەئەندازیاریی ئەلیکترۆنی لەبەریتانیا بەدەستهێناوە، ناوبراو بەهۆی شارەزایی لەپیشەسازیی سەربازییدا بە(باوکی موشەک) ناوی دەهێنرا.. ئه‌و 22 ساڵ له‌مه‌وبه‌رو ڕۆژى 30ى ئادارى 2003 خۆى ڕاده‌ستى هێزه‌كانى ئه‌مریكا كرد.

عامر محەمەد ڕەشید لەڕیزبەندی 47مین ناوى لیستە 55 داواکراوەکەی ئەمریکا بوو ، ئەمریکا زۆرترین چاوی لەسەر دەستگیرکردنی بوو ..

عامر محه‌مه‌د ڕەشید کە بە"باوكى موشەک" ناسراوەو وەک ڕاوێژکاری سەدام حسێن كاریكردوه‌، بەدەسته‌ ڕاستى سه‌دام دادەنرا بۆ پرسه‌ سه‌ربازیى‌و وزه‌ییه‌كان.

عامر ڕەشید، تەمەنى بوبوه‌ 86 ساڵ، ئه‌و هاوسەرگیری لەگەڵ زانای مایکرۆبایۆلۆجی عێراق (ڕێهاب تەها)کردبوو، هاوسەرەکەشی سەرۆکی پرۆگرامی چەکی بایۆلۆژی نهێنی عێراق بوو بە نازناوى (دکتۆر میکرۆب) .

تیم ترێڤان پسپۆڕی پێشوی چەکی نەتەوەیەکگرتوەکانی له‌بەریتانیا لەکتێبەکەیدا بەناوی (نهێنییەکانی سەدام  ـ گەڕان بەدوای چەکی شاراوەی عێراقدا) باسى له‌وه‌دەکات‌، کە عامر چۆن بەشێوەیەکی شەخسی فەرمانی سەدام حوسێنی بۆ لەناوبردنی سەرجەم بەڵگەنامەکانی بەرنامەی چەکەکانی لەساڵی 1991 بڵاو کردۆتەوە ..

عامر محەممەد ڕەشید لەساڵی 1995 تا 2003 وەزیری نەوتی عێراق‌و پێشتریش سەرۆکی دەستەی زانستی‌و گەشەپێدانی سەربازی بوە، ساڵی 2003 لەلایەن ئەمریکییەکانەوە دەستگیرکراو ساڵی 2012ش ئازادکرا، لەوکاتەشەوە تا مردنی لەعەممانی پایتەخی ئوردن دەژیا.

حزبی (گردبونەوەی نیشتمانیی عێراق)و ئەفسەرانی سەردەمی بەعس چەندین ڕاگەیه‌نراوی جیایان لەبارەی مردنی عامر محەممەد ڕەشید بڵاوکردەوەو دەڵێن، ناوبراو لەتەمەنی 86 ساڵیدا لەعەممان کۆچی دوایی کردوە، بەهۆی شارەزایی‌و دەستکەوتەکانیشی لەئەندازیاریی سەربازیی‌و دروستکردنی موشەکدا بە"باوکی موشەک" ناویان هێناوە.