×

2024-07-09 153 جار خوێنراوەتەوە

لە بەغداوە زیاتر لە 400 ملیار دینارى دیکە بۆ مووچەى مانگى شەش گەیشتە هەرێم

ناوەندی هەواڵ

وەزارەتى دارایى و ئابورى حکومەتى هەرێم رایگەیاند،  ئەمڕۆ بڕی 421 ملیارو 760 ملیۆن دینار خرایە سەر هەژماری بانکی وەزارەتی دارایی لە لقی هەولێری بانکی ناوەندی عێراق.

ئەمڕۆ سێشەممە 9-7-2024، وەزارەتى دارایى و ئابورى حکومەتى هەرێم لە راگەیەندراوێکدا بڵاویکردەوە، بڕی 421 ملیارو 760 ملیۆن دینار وەک بەشێک لەشایستەی مووچەی مانگی حوزەیرانی فەرمانبەرانی شارستانی هەرێمی کوردستان خرایە سەر هەژماری بانکی وەزارەتی دارایی و ئابوری لە لقی هەولێری بانکی ناوەندی عێراق.

بە گوێرەى زانیارییەکان ناردنى ئەو پارەیە بۆ ئەو وەززارەت و دەستانەیە کە تا ئێستا مووچەى مانگى شەشیان وەرنەگرتووە، واتە تەنها بۆ فەرمانبەرى مەدەنییە و پەیوەندى بە مووچەى هێزە ئەمنییەکانەوە نییە.

لە زانیارییەکاندا هاتووە، چاوەڕواندەکرێن هەر ئەمڕۆ لیستى مووچەى فەرمانبەران رابگەییەندرێت و دەست بەدابەشکردنی مووچەی مانگی شەشی فەرمانبەرانی هەرێم بکرێت.

لە رۆژى 7-7-22024، دەست بەدابەشکردنى مووچەى مانگى شەشى هەریەک لە کەسوکاری شەهیدان و ئەنفالکراوان و زیندانیانی سیاسی و خاوەن پێداویستیە تایبەتەکان و خانەنشینانی شارستانی و سەربازی کرا.

پێنجشه‌ممه‌ی ڕابردوو بڕی 231 ملیارو 605 ملیۆن‌و 531 هه‌زار دینار وه‌ك تەمویلی شایستەی مانگی حوزەیران(مانگى شه‌ش)ی کەسوکاری شەهیدان ‌و ئەنفالکراوان ‌و زیندانیانی سیاسی ‌و خاوەن پێداویستیە تایبەتەکان ‌و خانەنشینانی شارستانی‌ و سەربازیی خرایەسەر هەژماری بانکی وەزارەتی دارایی‌و ئابوری لەلقی هەولێری بانکی ناوەندی عێراق.

  • سۆران عومەر:عێراق داوای پارەی سندوقی خانەنشینی هەرێم دەکات کە نیەتی

  • جارێکی تر شاندی هەرێم بۆ مووچە و بودجە دەچنەوە بەغدا

  • جگە لە دوو مووچە سبەینێ بڕە پارەیەکى دیکە بە پیشمەرگە دەدرێت

  • وادەی دابەشکردنی مووچەی وەزارەتی کارەبا ئاشکرادەکرێت

  • گەندەڵییەکی دیکە لە کەرتی نەوتی هەرێم ئاشکرا دەکرێت

  • بە گۆڕانکارییەوە لیستی مووچەی مانگی حەوتی خانەنشینان رەوانەی بەغدا دەکرێت

  • لە بەغداوە زیاتر لە 400 ملیار دینارى دیکە بۆ مووچەى مانگى شەش گەیشتە هەرێم

  • سەربڕینی ئاژەڵ لە کوشتارگەی سلێمانی ڕاگیرا

  • بانکی ناوەندیی میکانیزمی نوێی پێدانی دۆلار به‌ گەشتیاران ئاشکرا ده‌كات

سەرەکی